سلاموطندار د مخکیني حکومت د ملي اردو له ۱۶ ښځینه کارکوونکو سره چې د سرپرست حکومت په واکمنېدو وزګاره شوي، د مرکو په ترڅ کې موندلې چې دغه کارکوونکې له ناوړه اقتصادي ستونزو سره مخ دي. د یادو ښځینه کارکوونکو له ډلې یې ۱۴وو سلاموطندار ته ویلي، د دندې له لاسه ورکولو سره اوس له لوږې سره مخ دي.
د دفاع وزارت پر خپله ټوېټرپاڼه لیکلي چې د یاد وزارت سرپرست محمدیعقوب مجاهد او لوی درستیز فصیحالدین فطرت چهارشنبه د سلواغې ۱۲مه د مخکیني حکومت له یوشمېر جنرالانو او چارواکو سره لیدلي دي.
افغانستان کې د ا.ا د واکمنۍ د لومړي کال د پورهکېدو په درشل کې د امریکايي ځواکونو پخواني قومندان ډېوېډ پېټریوس له افغانستان څخه د امریکايي ځواکونو پر وتلو نیوکه کړې ده. ډېوېډ پېټریوس د دوحې تړون او مرکزي حکومت ته د ډېر واک ورسپارل هغه لاملونه بولي چې په وینا یې، مخکینی حکومت یې راوپرځاوه.
د اسلامي امارت د چارو ادارې ویلي چې د بېګناه زندانیانو د خوشېکولو په اړه د اسلامي امارت د مشر هبتالله اخندزاده د فرمان پلي کولو په موخه د مرکز او ولایتونو ټولو بندخونو د څېړنې لپاره یو پلاوی ټاکل شوی دی.
تېره يوه اوونۍ کې پر پکتيا سربېره خوست او پکتيکا ولایتونو کې د مخکیني حکومت يوشمېر دولتي کارکوونکي د ناپېژنده وسلهوالو له لوري وژل شوي. پکتيا کې د پخواني حکومت د لومړۍ حوزې آمر عزت الله ارين، پکتيکا کې د اردو سرتېری شميم، خوست کې د سرحدي ځواکونو افسر احسانالدين او شاعر هيلهمند ژوندی، په تېره اوونۍ کې وژل شوي دي.
د اقتصادي ستونزو او وزګارتیا له امله په سوېل ختیځ ولایت پکتیا کې دوو ځوانانو ځان وژنه کړې. دغه پېښې د مرکز ګردېز اړوند د دولتزيو او باغکي په سيمه کې شوې دي.
په ملګرو ملتونو کې د افغانستان پخوانیو استازیو محمود صیقل او دوکتور روان فرهادي، په ترکیې، اسپانیې او هند کې مخکینی افغان سفیر مسعود خلیلي، او په اروپايي ټولنه کې مخکیني استازي همایون تندر د ملګرو ملتونو مشر انتونیو ګوترش ته یو لیک لیکلی او پکې یې له امنیت شورا غوښتي چې افغانستان کې د پاکستان تیري ته رسېدنه وکړي.
د هر هېواد تاریخ اثار د هغه د فرهنګ ښکارندويي کوي او بغلان هم د افغانستان یو فرهنګي ولایت یادېږي، خو طالبان بهر ته د دغه ولایت د ډېرو تاریخي اثارو د قاچاق خبر ورکوي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
