د غزني امنیتي مسوولان وايي چې په دغه ولایت کې یوې ټرافیکي پېښې د دوو کسانو ژوند اخیستی دی. دا پېښه پرون (د وږي پنځلسمه، پنجشنبه) د غزني د مرکز اړوند د روضې کوتل سره شوې ده. د غزني د امنیې قومانداني ویاند خالد سرحدي سلاموطندار ته ویلي چې یو کرولا ډوله موټر پرون ماسپښین له یوې نظامي رېنجرې سره ټکر کړی او له کبله یې د ا.ا یو غړی او یو بل کس مړه شوي دي.
د غزني امنیتي مسوولان وايي، د کابل-کندهار پر لویې لارې د روضې کوتل او د غزني-ګردېز پر لویې لارې په دوو بېلابېلو ټرافیکي پېښو کې اووو کسانو ته مرګژوبله اوښتې ده. د غزني د امنیې قومانداني ویاند خالد سرحدي وايي، پرون ناوخته د روضې کوتل سره دوو باروړونکو موټرو ټکر کړی چې له کبله یې یو کس مړ شوی او درې نور ټپیان شوي دي.
د غزني محلي مسوولان وايي چې د دغه ولایت د مقر اوسېدونکي په خپل لګښت یو ښوونځی جوړوي.
د دوی په وینا، ټاکل شوې دغه ښوونځی د مقر ولسوالي په عزتکلا کې په څلورنیم میلیونه افغانیو د خلکو له لوري جوړ شي.
په غزني کې یوشمېر صنعتګرې ښځې وایي، د تېرو دوو کلونو په پرتله یې د پلور کچه خورا راټیټه شوې ده. یوې صنعتګرې ګلچمن رحیمي سلاموطندار ته ویلي چې په دغه ولایت کې د ښځینه سوداګرو او صنعتګرو عواید د پام وړ کم شوي دي. ګلچمن له ا.ا څخه غواړي چې په غزني کې د ښځو لپاره ځانګړی بازار جوړ کړي او د صنعتګرو ښځو د کار ملاتړ وکړي.
اقلیمي بدلونونو، سختو بارانونو او د هېواد په بېلابېلو سیمو کې ویجاړوونکو سېلابونو په تېرو دوو کلونو کې زرګونه کورنۍ زیانمنې کړي او د ډېرو کورنیو عادي ژوند یې له ننګونو سره مخامخ کړی دی.
د روان لمریز کال د لومړیو دوو میاشتو پر مهال په غزني کې لسګونه کورنۍ د طبیعي پېښو له امله زیانمنې شوې دي.
د غزني په ولسوالیو کې د ۲۶ روغتیايي مرکزونو په تړل کېدو سره د دغه ولایت یوشمېر اوسېدونکي وايي، ناچاره دي چې د خپلو ناروغانو د درملنې لپاره د مرکز روغتیايي مرکزونو ته ولاړ شي او دغه وضعیت له ستونزو سره مخامخ کړي دي.
د غزني د امنیې قومانداني ویاند خالد سرحدي سلاموطندار ته ویلي چې یوه پنځوس کلن سړي په دغه ولایت کې ځان وژلی دی.
غزني کې ټرافيکي څراغونه له دوو کلونو راهيسې د تخنيکي ستونزو له امله فعال نهدي. د غزني یوشمېر اوسېدونکي د دغو څراغونو د تنظیم او فعالولو په برخه کې پر مسوولو ادارو نیوکه کوي چې د دغو څراغونو په نه فعالېدو سره په ښار کې ګڼهګوڼه، ټرافیکي پېښې او د موټرچلوونکو له لوري له ټرافیکي اصولو د سرغړونې لامل شوي دي.
په غزني ولایت کې د چرګانو حلالولو لپاره یو معیاري ځای جوړ او ګټې اخیستنې ته وسپارل شو.
د دغه ځای مسوول همتالله افغان وايي، یاد ځای یې په غزني کې د چرګانو حلالولو برخه کې د اسانتیاوو برابرولو لپاره په یو میلیون افغانیو جوړ کړی دی.
د غزني اوسېدونکي د نورو ستونزو ترڅنګ، شکایت کوي چې په دغه ولایت کې ګڼشمېر زدهکوونکي ښوونځیو ته لاسرسی نه لري او هغوی چې ښوونځیو ته ځي، په ازاده فضا کې ژوند کوي. د غزني په مرکز او ولسواليو کې يوشمېر اوسېدونکي او ښوونکي د ښوونځيو د ودانيو له نه موجودیت څخه سر ټکوي او دې برخه کې پر حکومت نيوکه کوي.
د غزني د امنیې قومانداني ویاند خالد سرحدي سلاموطندار ته ویلي چې په دغه ولایت کې یوې ټرافیکي پېښې ۳۸ کسانو ته مرګژوبله اړولې ده.
د نوموړي په وینا، دا پېښه بېګاه شاوخوا اتهنیمې بجې د غزني د اندړو ولسوالي په ناني سیمه کې د یوه ۴۰۴ ډوله او یوه باروړونکي موټر د ټکر له امله شوې ده.
د غزني امنیتي مسوولان وايي، یوې ناوې د دغه ولایت په قرهباغ ولسوالي کې ځان را ځړولی او وژلی دی.
د غزني د امنیې قومانداني ویاند خالد سرحدي سلاموطندار ته ویلي چې دغې ناوې نن (د کب لسمه، د پنجشنبې ورځ) د قرهباغ ولسوالي په مزدورکي سیمه کې د خپل پلار په کور کې ځان را ځړولی او وژلی دی.
د غزني د حوزوي روغتون یوشمېر ډاکټران او روغتیايي کارکوونکي وايي، د ۲۰۲۳ کال د وروستيو څلورو میاشتو تنخوا یې نه یوازې په څو میاشتې ځنډ ورکړل شوی، بلکې له ۵۰ تر ۶۰ سلنې پورې کم شوی هم دی. دوی سلاموطندار ته ویلي چې د تنخواوو کمېدو له سختو اقتصادي ستونزو سره مخامخ کړي دي.
د غزني د کرنې، اوبو لګولو او مالدارۍ ریاست نن (د لیندۍ ۲۸مه، د سهشنبې ورځ) په دغه ولایت کې د کرنیزو او حیواني محصولاتو نندارتون جوړ کړ. وچې مېوې، د غزني نباتي بوټي، شات او زعفران په دغه نندارتون کې نندارې ته اېښودل شوي دي.
د غزني امنیتي مسوولان وايي چې په دغه ولایت کې د یوه کور چت را پرېوتی او له کبله یې درې ښځې مړې شوي او یو ځواب سخت ټپي شوی دی.
د غزني اوسېدونکو نن (د چنګاښ دویمه، د جمعې ورځ) د دغه ولایت په جاغوري ولسوالي کې د څه باندې ۵۰۰ زره افغانیو په مالي لګښت د یوه پُل د جوړېدو چارې پیل کړې.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
