ولسمشر غني د یوه لوړپوړي پلاوي په مشري پرون ماښام امریکا ته پر سفر روان شو او نن ورسېد. له ولسمشر سره په دغه سفر کې د هغه لومړی مرستیال امرالله صالح، د ملي روغې جوړې شورا رییس عبدالله عبدالله، د بهرنیو چارو وزیر محمدحنیف اتمر، د ملي امنیت سلاکار حمدالله محب او یوشمېر نور چارواکي او د سولې مرکچي پلاوي غړي ملتیا کوي.
سپینې ماڼۍ ویلي چې تمه ده د ولسمشر محمد اشرف غني او د ملي روغې جوړې عالي شورا رییس عبدالله عبدالله د روانې اوونۍ په پای کې امریکا ته سفر وکړي او د دغه هېواد له ولسمشر مشر جوبایډن سره وګوري. د چارو شنونکي د دغو دوو افغان لوړپوړو چارواکو سفر تشریفاتي بولي او وایي چې دغه سفر به د هېواد پر روان وضعیت هېڅ راز اغېز ونه لري.
د بهرنیو چارو وزیر محمدحنیف اتمر وايي چې دغه وزارت امریکا ته د ولسمشر محمداشرف غني د سفر پر موضوع د یاد هېواد له بهرنیو چارو وزارت سره کار کوي. نوموړي دا څرګندونې نن په هرات کې د یوې خبري غونډې پر مهال وکړي او ویې ویل: «دا مفکوره شته چې یاد سفر وشي.»
د پاکستان لوی درستیز جنرال قمرجاوید باجوه او د انګلیستان د وسلوالو ځواکونو قوماندان جنرال نیکولس کارټر تېره ورځ افغانستان ته راغلي وو او له ولسمشرغني او د مصالحې عالې شورا له مشر سره یې د افغان سولې بهیر او امنیتي وضعیت په اړه خبرې کړې دي.
په داسې حال کې چې د ولسې جرګې رییس او د دې جرګې یوشمېر غړي د پاکستان د پارلمان مشر اسد قیصر په مشري یوه پلاوي ته د هرکلي په موخه د حامد کرزي هوایي ډګر ته ورغلي وو، خو د پلاوي الوتکه په یاد هوايي ډګر کې د امنیتي ستونزې له کبله بېرته ګرځېدلې ده.
ولسمشر محمداشرف غني نن سهار د یوه لوړپوړي دولتي پلاوي په مشري د اسیا زړه هېوادونو- استانبول پروسې د بهرنیو چارو وزیرانو په نهمه غونډه کې د ګډون په موخه تاجکستان ته تللی دی.
د طالب ډلې یو پلاوی په قطر کې د افغان دولت او طالبانو د مرکچیانو ترمنځ د سولې دویم پړاو خبرو له پيلېدو څه باندې دوه اوونۍ وروسته ایران ته تللی دی.
په دوحه کې د طالبانو د سیاسی دفتر ویاند محمدنعیم ویلي چې یاد پلاوی د ملاعبدالغني برادر په مشري او د ایران په رسمي بلنه یاد هېواد ته تللی دی.
ولسمشر محمداشرف غني نن سهار د یوه لوړپوړي پلاوي په مشري په دوه ورځني سفر کویټ او قطر ته ولاړ.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
