د بهرنیو چارو وزیر محمدحنیف اتمر وايي چې دغه وزارت امریکا ته د ولسمشر محمداشرف غني د سفر پر موضوع د یاد هېواد له بهرنیو چارو وزارت سره کار کوي. نوموړي دا څرګندونې نن په هرات کې د یوې خبري غونډې پر مهال وکړي او ویې ویل: «دا مفکوره شته چې یاد سفر وشي.»

نوموړي هغه خبرونه هم بې‌بنسټه وبلل چې د ولسمشر محمداشرف غني سفر د امریکا په غوښتنه کېږي او په وینا یې، د دواړو لوریو په غوښتنه به وشي. هغه زیاتوي، دواړو لوریو دغه سفر ته لېوالتیا ښودلې ده.

د سلام‌وطندار پښتو فېسبوک‌پاڼه وڅارئ

تر دې مخکې ځینو رسنیو داسې راپورونه خپاره کړي وو چې واشنګټن ته د ولسمشر غني د سفر پرله‌پسې غوښتنې نه دي منل شوي. د راپورونو پر بنسټ، امریکا ته د تګ په اړه د ولسمشر غوښتنه په یاد هېواد کې د افغانستان سفارت له لوري سپینې ماڼۍ او کانګرېس ته سپارل سپارل شوې ده.



ولسمشر محمداشرف غني په یاده رسمي غوښتنه کې د امریکا له سپینې ماڼۍ او کانګرېس څخه غوښتي و چې غواړي یوازې امریکا ته ورشي او د دغه هېواد له چارواکو سره وګوري.

د بهرنیو چارو وزیر د پاکستان پر وړاندې د ولسمشر د ملي امنیت سلاکار حمدالله محب د څرګندونو هم ننګه وکړه او ویې ویل: «د ملي امنیت سلاکار د افغان دولت په نوم د وینې تویېدنې پر درېدو او د سولې په برخه کې پر پرمختګ ټینګار کړی چې دا د افغانانو او افغان دولت غوښتنه ده.»

سلام‌وطندار پر ټویټر هم وڅارئ

اتمر ټینګار کوي چې افغانان او افغان دولت پوهېږي چې د پاکستان له همکارۍ پرته په افغانستان کې د وینې تویېدنه او د سولې پروسې بریا ناشوني دي. هغه وايي، له پاکستان سره د افغانستان همکاري حتمي او اړینه ده او اړتیا ده چې له پاکستان سره د خبرواترو په هر حالت کې وساتل شي.

د بهرنیو چارو وزیر ټینګار کوي چې هېڅکله به اجازه ور نه کړي، څو د پاکستان او د ملي امنیت سلاکار حمدالله محب ترمنځ لفظي بریدونه د دواړو دولتونو د همکارۍ مخه ونیسي.

دا په داسې حال کې ده چې د پاکستان د بهرنیو چارو وزیر شاه‌محمود قریشي څه موده مخکې د ولسمشر د ملي امنیت سلاکار حمدالله محب د هغو څرګندونو پر وړاندې توند غبرګون وښود چې په ننګرهار کې یې پاکستان ته په خطاب کې کړې وې. قریشي له محب څخه غوښتي و چې په‌کار ده خپل چلن بدل کړي.

خو حمدالله محب د نوموړي له څرګندونو او هغو راپورونو له خپرېدو وروسته چې ګواکې پاکستان ورسره اړیکې پرې کړي، وویل چې «له موږ سره د پاکستان د اړیکې پرې کول پرې چندان اغېز نه کوي؛ ځکه اوس مو هم اړیکې ښې نه دي.»

پدې خبر پورې اړوند:

شریک یې کړی:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
د نن ورځې خبرونه
تحلیلونه او خبري راپورونه

خبرونه د ټولنیزو شبکو سایټونو سلام دوستانو تعقیبوي:

فیسبوک

توییتر

تلگرام