د سریلانکا کرېکټ ملي لوبډلې نن د کرېکټ شل اووره نړیوال جام د لومړي پړاو سیالیو په لړ کې نیدرلنډ لوبډلې ته د ۱۶ منډو په توپیر ماته ورکړه او د یاد جام د ۱۲ غوره لوبډلو پړاو ته یې لار وموندله.
د نیدرلنډ لوبډله په دې ماتې سره په دویم ځای کې دی او د عربي متحده اماراتو او نمیبیا لوبډلو ترمنځ سیالي ته په تمه دی.
سریلانکا لوبډلې په دې سیالي کې لومړۍ توپوهنه وکړه او په ټاکل شویو شلو اورونو کې یې د شپږو لوبغاړو په سوځېدو نیدرلنډ ته د ۱۶۳ منډو هدف وټاکه.
په توپوهنه کې د سریلانکا لپاره کوشال مېنډس ښه وځلېد او ۷۹ منډې یې جوړې کړې.
نیدرلنډ لوبډلې د ورکړل شوي هدف په ځواب کې په ټاکل شویو شلو اورونو کې د ۹ لوبغاړو په سوځېدو ۱۴۶ منډې جوړې کړې او دغه سیالي یې د ۱۶ منډو په توپیر سریلانکا ته وبایلله.
د نیدرلنډ لپاره ماکس و ډووډ ناسوځېدلې ۷۱ منډې وکړې، خو لوبډله یې له ماتې ونشوای ژغورلی.
له یاد ګروپ څخه بله او وروستۍ لوبه د عربي متحده امارات او نمیبیا لوبډلو ترمنځ روانه ده او که نمیبیا یې په ښه رنز رېټ وګټي، د نړیوال جام بل پړاو ته لار پیدا کړي.
