د روزګان امنیتي مسوولان وايي چې د دغه ولایت او کندهار ترمنځ غځېدلې لویه لاره د درنې واورې اورښت له کبله تړل شوې.
د روزګان امنیې قومنداني ویاند بلال روزګانی سلاموطندار ته وايي چې دغه لویه لاره د کندهار شاولي کوټ ولسوالي کې د اورښتونو پر مهال بنده شوې ده.
د سلاموطندار پښتو فېسبوکپاڼه وڅارئ
د نوموړي په وینا، هڅې روانې دي، څو یاده لاره ژر تر ژره بېرته پرانېستل شي.
بل لور ته د کندهار په ډېری سیمو کې د باران ورېدو له امله سېلایونه راوتلي چې تراوسه د مالي او ځاني زیانونو د اوښتو په اړه څه نهدي ویل شوي.
خو د کندهار ښاروالي ویاند سیفالله عاصم بیا وايي چې د کندهار ښار د ١٢ناحیې، څلورم ګذر کې د «حکيم صاحب هډې» سیمه کې د باران له امله يو کور نړېدلی دی. په دې پېښه کې چا ته زیان نهدی اوښتی.
په همدې حال کې د کندهار یوشمېر اوسېدونکو سلاموطندار ته ویلي چې د یاد ولایت ځینو نورو سیمو کې هم سېلابونه راوتلي دي.