د پکتیکا محلي مسوولان وايي چې د دغه ولایت مرکز او ولسوالیو کې د اوو ښوونځیو جوړېدو لپاره خلکو ۳۷ جریبه ځمکه ځانګړې کړې ده.
دغه ځمکه په مرکز ښرنه، برمل او ګومل ولسواليو کې د یادو ښوونځیو لپاره ورکړل شوې.
د سلاموطندار پښتو فېسبوکپاڼه وڅارئ
د پکتیکا مرستيال والي مخدوم عبدالسلام سعادت پنجشنبه د «وري دویمهه» د خپلو فعالیتونو د کلني راپور وړاندې کولو پر مهال وویل چې پر ځانګړې شوې ځمکه به ډېر ژر د ښوونځيو لپاره د ودانیو د جوړولو چارې پیل شي.
نوموړي دا هم وويل چې پکتيکا کې شاوخوا ۲۰۰ ښوونځي ودانۍ نهلري چې زدهکوونکي د ژمي او دوبي پر مهال له یخنۍ او ګرمۍ سره لاس او ګرېوان دي.
نوموړي ژمنه وکړه چې د روان کال تر پایه به هغو ښوونځیو ته هم ودانۍ جوړې کړي چې دا مهال ودانۍ نهلري.
د پکتیکا مرستيال والي همداراز زیاته کړه چې د تېر حکومت پرمهال د یاد ولایت مرکز او ولسواليو کې ټول ۴۸ روغتيايي مرکزونه وو، خو د سرپرست حکومت په راتلو سره د روغتيايي مرکزونو شمېر ۱۳۸ ته پورته شوی او تر ډېره ورسره د خلکو روغتیايي ستونزې کمې شوې دي.
هغه ټينګار وکړ چې دغه ولایت کې پر خوارځواکۍ د اخته ماشومانو د درملنې ۳۳ مرکزونه چې له دې وړاندې د موسسو لهخوا تمویلېدل، د عامې روغتیا وزارت له لوري فعال ساتل شوې دي.