د ملګرو ملتونو د بشري مرستو د همغږۍ دفتر یا اوچا وايي، افغانستان په روان زېږدیز کال کې د څلور میلیارډه او ۶۰۰ میلیونه ډالرو بشري مرستو ته اړتیا لري.
د اوچا په وینا، په لومړي سر کې یوازې ۲۸ میلیونه او ۳۰۰ زره افغانان بشري مرستو ته اړتیا لري.
د سلاموطندار پښتو فېسبوکپاڼه وڅارئ
خو د اقتصاد وزارت ویاند عبدالرحمان حبیب که څه هم هېواد کې بېوزلي مني، خو په خبره یې، افغانستان کې د بشري وضعیت په اړه د نړیوالو بنسټونو شمېرې او راپورونه د حکومت د تایید وړ نه دي.
هغه وايي، د افغانستان اقتصادي وضعیت د ۲۰۲۲ زېږدیز کال په پرتله په روان ۲۰۲۳ زېږدیز کال کې ښه شوی دی.
خو د پوهنتون استاد او د اقتصادي چارو څېړونکی بهمن یوسفي بیا باور لري چې د ملګرو ملتونو، په تېره د اوچا ادارې شمېرې د څېړنې پر بنسټ او سمې دي.
د نوموړي په وینا، که اسلامي امارت ښه پلانونه جوړ او عملي نه کړي او د افغان نجونو او ښځو زدهکړو او کار ته پام و نه کړي، روان کال به پر افغانانو سخت تېر شي.
د اقتصادي چارو شنونکی تاجمحمد تلاش بیا وايي چې د اوچا شمېرې احتمالي دي او په دومره کچه کسان له بېوزلۍ سره مخامخ نهدي.
هېواد کې د اسلامي امارت له واکمنېدو وروسته وزګارتیا ډېره شوې او ورسره بشري مرستو ته هم د خلکو اړتیاوې ډېرې شوې دي.
