د ریاستالوزرا سیاسي مرستیال محمد عبدالکبیر وايي چې له نړۍ سره د ا.ا اړیکې پراخې شوې دي.
نوموړي لوګر ته د سفر پر مهال په یوه غونډه کې ویلي چې سرپرست حکومت د نړۍ او سیمې له اووهلسو هېوادونو سره رسمي اړیکې لري او د تېر په پرتله، اوس له نړۍ سره د ا.ا سیاسي او اقتصادي اړیکې پیاوړې شوې دي.
هغه ټینګار کوي چې ا.ا یوازې د اسلامي امارت د ځواکونو نظام نه، بلکې د ټولو افغانانو ګډ نظام دی او باید دفاع یې وکړي.
محمد عبدالکبیر د اسلامي امارت له ځواکونو هم غوښتي چې د نظام پر وړاندې د هر ډول تبلیغاتو او تخریبوونکو فعالیتونو مخه ونیسي.
سلاموطندار پر ټویټر هم وڅارئ
د یادونې ده چې د ریاستالوزرا سیاسي مرستیال او د کابینې یوشمېر سرپرست وزیران له لوګر مخکې خوست او پکتیا ولایتونو ته تللي وو او هلته یې له محلي مسوولانو او قومي مشرانو سره لیدنې او خبرې اترې کړې دي.
