د کانونو او پټرولیم وزارت سرپرست شهابالدین دلاور په کابل کې د چین له سفیر سره په لیدنه کې ویلي، د آمو دریا د تېلو حوزې څخه چې قرارداد یې له یوه چینايي شرکت سره شوی، د ورځې شاوخوا ۱۴۰۰ ټنه تېل را اېستل کېږي او ټاکل شوې ۲۰ نورې څاهګانې هم پهکې واېستل شي.
د سلاموطندار پښتو فېسبوکپاڼه وڅارئ
دغه وزارت نن (د وري لومړۍ، د چهارشنبې ورځ) پر خپلې اېکسپاڼې لیکلي چې دواړو لوریو په دې لیدنه کې د مس عینک، د آمو دریا د تېلو او دوهاړخیزو همکاریو په اړه خبرې کړې دي.
د کانونو او پټرولیم وزارت په کابل کې د چین د سفیر جاو شنیګ له خولې لیکلي چې هېواد یې غواړي، څو په بېلابېلو برخو کې د دولتي کارکوونکو لپاره د وړتیا لوړونې ښوونیز پروګرامونه جوړ کړي او د کانونو وزارت هم پهکې د ګډون لپاره خپل استازی ورلېږلی شي.
