د اسلامي وحدت ګوند مشر محمدکریم خلیلي د کابل په لوېدیځ کې شوي ترهګریز بریدونه سېسټماټیک او هدفي یادوي او هغه د نسلوژنې ښه بېلګه بولي. نوموړي چې نن په کابل کې یوې خبري غونډې ته خبرې کولې وویل، دا پېښې د هزارهګانو د ورکولو په موخه کېږي او جنایکاره ډلې د هغوی د لرې کولو هڅه کوي.
د سلاموطندار پښتو فېسبوکپاڼه وڅارئ
هغه وايي، سره له دې چې په جګړه کې د نورو قومونو وګړي هم وژل کېږي، خو هزارهګان د قوم او مذهب په نوم وژل کېږي چې دغه کار ورته د منلو نه دی. محمدکریم خلیلي زیاتوي، هزارهګان په هېڅ ځای کې خوندي نه دي او په وینا یې، خلک اړ دي چې پر وړاندې یې خپله لاس په کار شي.
- کابل کې غبرګو چاودنو اووه کسان ووژل او شپږ یې ټپیان کړل
- حکومت د جنايي جرمونو په څېړلو کې پاتې راغلی
- طالبانو په پکتیا کې ۲۰۰۰ کورنۍ کډه کولو ته اړ کړي
د هغه په خبره، هزارهګان د جنایتکاره ډلو پر وړاندې ماتې نه مني او که روان وضعیت همداسې دوام وکړي، خپله به د ځان دفاع وکړي.
دا په داسې حال کې ده چې له څه مودې راهیسې د هزارهګانو په سیمو کې چاودنې، ځانمرګي بریدونه او هدفي وژنې ډېرې شوې دي. په وروستیو دوو چاودنو کې چې پرون د کابل د دیارلسمې او شپږمې امنیتي حوزو په اړوندو سیمو کې وشوې، اووه کسان ووژل شول او شپږ نور ټپیان شول.
