په اشغال شوې لوېدیځه غاړه کې د اسراییلي ځواکونو او مېشتو له لوري د بریدونو له امله د شهید شویو فلسطینیانو شمېر ۱۱۵۱ کسانو ته رسېدلی او تر ۱۱,۸۸۵ ډېر نور ټپیان شوي دي.
راپورونه وایي، دا پېښې د هغې جګړې له پیل راهیسې زیاتې شوي چې د ۲۰۲۳کال د اکتوبر په میاشت کې د غزې پر ضد پیل شوې وه.
په همدې موده کې، له ۲۳زرو څخه زیات فلسطینیان نیول شوي دي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د معلوماتو له مخې، د اپرېل تر لومړۍ نېټې پورې لږترلږه ۹,۵۶۰ فلسطینیان د اسراییلو په زندانونو کې ساتل کېږي چې له دې ډلې ۳,۵۳۲ کسان پرته له کوم رسمي تور څخه بندیان دي.
د بشري حقونو فعالان وایي چې دا وضعیت د سیمې بشري بحران لا ژور کړی او د نړیوالو د پام غوښتنه یې کړې ده.