د ایران د بهرنیوچارو وزارت ویاند اسماعیل بقايي وايي چې امریکا له خپلو پخوانیو تجربو څخه زدهکړه نهده کړې او د همدې تګلارې دوام به هېڅکله مثبتې پایلې رامنځته نه کړي.
نوموړي د امریکا پر سیاستونو نیوکه کړې او ویلي یې دي چې د واشنګټن «زیات غوښتنې، د دریځونو بدلون او فشارونه» د دواړو هېوادونو ترمنځ د تفاهم هڅې زیانمنوي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د ایران د بهرنیو چارو وزارت ویاند ټینګار کړی چې تهران د امریکا له ډیپلوماسۍ سره «ډېرې ناسمې تجربې» لري او په همدې دلیل پر واشنګټن باور کول ستونزمن دي.
دغه څرګندونې په داسې حال کې کېږي چې د دواړو هېوادونو ترمنځ کړکېچ لاهم روان دی او د خبرو په برخه کې پرمختګ محدود بلل کېږي. ایرانی لوری وایي، که امریکا خپله تګلاره بدله نهکړي، نو د اړیکو ښه کېدل به ستونزمن پاتې شي.