د هرات محلي مسوولان وايي چې د ۱۴۰۰ کال په پرتله ۱۴۰۱ کال کې د دغه ولایت د ګمرک عواید د فساد مخنیوي له امله څو برابره زیات شوي دي.
د هرات ګمرک رییس محمدبلال وايي چې دوی د ۱۴۰۱ کال په جریان کې ۹.۵ میلیارډ افغانۍ عواید ټول کړي دي.
د نوموړي په وینا، تېر کال د هرات ګمرک عواید څه باندې ۲۵ میلیارډ افغانیو ته رسېدل چې د ۱۴۰۰ کال په پرتله ۹.۵ میلیارډ افغانۍ زیاتوالی ښيي.
سلاموطندار پر ټویټر هم وڅارئ
د هرات د ګمرک رییس همداراز د فساد لهمنځه وړل، د کاري ساعتونو زیاتوالی او سوداګرو ته د اسانتیاوو رامنځته کول هغه لاملونه بولي چې له کبله یې د یاد ګمرک عواید زیات شوي دي.
