د میدانوردګ په دایمیرداد ولسوالي کې د ټرافیکي پېښې له امله څلور کسان مړه شوي او درې نور ټپیان دي.
پېښه نن شنبه د زمري ۲۱مه د یوه ټراکټور موټر د چپهکېدو له امله رامنځته شوې ده. د پېښې لامل د سړک خرابوالی ښودل شوی.
د سلاموطندار پښتو برخه دلته وڅارئ
د میدانوردګ د طبیعي پېښو پر وړاندې د مبارزې رییس فیضالله جلالي سلاموطندار ته ویلي چې دغه پېښه د یوه ټراکټور د چپهکېدو له امله رامنځته شوې چې پېښه کې د ښځو او ماشومانو په ګډون څلور کسان مړه شوي او درې نور ټپيان دي.
د جلالي په وینا، په ټپيانو کې د یوې مېرمنې روغتیایي حالت نازک ښودل شوی او دا مهال روغتون کې تر درملنې لاندې ده.
له دې وړاندې هم دغه ولایت او د هېواد په نورو سیمو کې هم ورته ټرافیکي پېښې رامنځته شوي چې د ډېری پېښو لامل یې د سړکونو خرابوالی، د موټر چلوونکي بېاحتیاطي او له ټرافیکي قوانینو سره د موټر چلوونکو نه بلدتیا په ګوته شوې ده.