د بهرنيو چارو وزارت تاييدوي چې د ايران او ترکيې ترمنځ پوله کې د سختو توپانونو او سړې هوا له کبله ۴ افغان کډوال مړه شوي دي.
ياد وزارت وايي، په تازهګۍ سره رسنيو کې خبرونه او يو شمېر تصويرونه ښيي چې د ايران او ترکيې ترمنځ پوله کې د سختو توپانونو او سړې هوا له افغان کډوال مړه شوي دي.
له بهرنيو چارو وزارته په خپره شوې خبرپاڼه کې راغلي، دغه کسان د ايران او د ترکيې ترمنځ پوله کې په «چالدران ارومیه» سيمه کې مړه شوي دي او دوه نور ژغورل شوي دي.
یاد وزارت زياتوي، په انقرې او تهران کې د افغانستان سفارتونو د يادو مړو شويو کسانو جنازې کړي او تر اوسه پورې يې د دوه کسانو جسدونه هم خپلو کورنيو ته سپارلي دي.
بهرنيو چارو وزارت وايي، دغه پېښه به د ايراني او ترکي چارواکيو په مرسته په جدي توګه څېړي چې تر دې مهاله سيمې ته د پلټونکيو دوه پلاوي هم رسېدلي دي.
ياد وزارت په خبرپاڼه کې له هېوادوالو غواړي چې له هغو ناقانونه سفرونو ډډه وکړي چې د مرګ له خطر سره مخ کېږي او د قاچاقيانو فرېب ونه خوري.
