د اوزبکستان د بهرنیو چارو وزیر بختیار سعیدوف د افغانستان د سرپرست حکومت د بهرنیو چارو وزارت له سرپرست امیرخان متقي سره په لیدنه کې ویلي چې هېواد یې تل په نړیوالو غونډو کې د افغانستان ملاتړ کړی او دغه هېواد باید د نړیوالې ټولنې برخه وي.
د بهرنیو چارو وزارت بېګاه ناوخته پر اېکسپاڼې د بختیار سعیدوف له قوله لیکلي چې اوزبکستان، افغانستان د مرکزي اسیا هېوادونو برخه بولي او د هغو د پرمختګ لپاره مهم دی.
د بهرنیو چارو وزارت زیاته کړې چې دواړو لوریو پر ګډو همکاریو هم خبرې اترې کړې دي.
سلاموطندار پر ټویټر هم وڅارئ
د دغه وزارت د خبرپاڼې له مخې، بختیار سعیدوف له امیرخان متقي څخه غوښتي چې اوزبکستان ته ورشي.
