د پنجشېر محلي مسوولان وايي چې دغه ولایت کې د هستوګنې یوه کور کې اور لګېدلی دی.
د پنجشېر د اطلاعاتو او فرهنګ رییس نصرالله ملکزاده سلاموطندار ته ویلي چې دغه اورلګېدنه نن سهار د رُخه ولسوالي د «پیاوشت» کلي کې د مخکیني حکومت د عدلیې وزیر فضلاحمد معنوي کور کې رامنځته شوې ده.
د پنجشېر د اطلاعاتو او فرهنګ رییس زیاتوي چې دغه اورلګېدنه د بښنا د شارټۍ له امله د یادې ودانۍ په پنځم پوړ کې شوې ده. د نوموړي په وینا، اور اوس مهار شوی دی.
د پنجشېر د اطلاعاتو او فرهنګ رییس همداراز وايي چې د اورلګېدنې له امله دغه کور ته مالي زیانونه هم اوښتي دي.
بلخوا یوې سرچینې بیا سلاموطندار ته ویلي، اورلګېدنه د فضلاحمد معنوي د کور هغه پوړ کې رامنځته شوې چې د نوموړي یو لوی کتابتون پهکې شتون درلود.
سلاموطندار پر ټویټر هم وڅارئ
ویل کېږي چې دې کتابتون کې د فضلاحمد معنوي اړوند څه باندې ۳۰۰۰ جلده کتابونه ساتل کېدل.
