د کرېکټ شل اووره نړیوال جام سیالیو په سوپر ۱۲ پړاو کې نن د انګلستان د کرېکټ ملي لوبډله بریالۍ شوه چې نیوزیلنډ ته د ۲۰ منډو په توپیر ماته ورکړي.
د کرېکټ شل اووره نړیوال جام کې دا د نیوزیلنډ د کرېکټ ملي لوبډلې لومړی ماته وه.
د انګلستان د کرېکټ ملي لوبډلې په دغه سیالي کې لومړی توپوهنه وکړه او په ټاکل شویو شلو اورونو کې یې د شپږو لوبغاړو په سوځېدو د نیوزیلنډ کرېکټ ملي لوبډلې ته د ۱۸۰ منډو هدف وټاکه.
د انګلستان لپاره په توپوهنه کې لوبډلمشر جاش بټلر ۷۳ او د الېکس هېلس ۵۲ منډې جوړې کړې.
د نیوزیلنډ کرېکټ ملي لوبډلې د انګلستان له لوري د ورکړل شوي هدف په ځواب کې د شلو اورونو په لوبولو سره خپل شپږ لوبغاړي له لاسه ورکړل او ۱۵۹ منډې یې جوړې کړې.
سلاموطندار پر ټویټر هم وڅارئ
د نیوزیلنډ لپاره په توپوهنه کې ګلېن فلېپ ښه وځلېد او ۶۲ منډې یې جوړې کړې. د لوبې غوره لوبغاړی د انکلستان لوبډلمشر جاش بټلر ونومول شو چې ۷۳ منډې یې جوړې کړې وې.
