د سلاموطندار پښتو فېسبوکپاڼه وڅارئ
نوموړي زیاته کړه چې د ګیان ولسوالي اوسېدونکي د زلزلې له امله مړه شوي کسان ډلهییزو قبرونو کې خاورو ته سپاري. ماهرخان ځدراڼ همداراز وویل چې سیمو ته د مرستندویه او امنیتي ځواکونو له لوري د مرستو لېږد روان دی، خو په وینا یې چې باید مرستې ډېرې شي.
په همدې حال کې د ګیان ولسوالي یو بل اوسېدونکی منصورخان بیا وايي چې دغه ولسوالي کې لسګونه کورونه ویجاړ شوي چې له امله ګڼشمېر خلک مړه او ټپیان شوې دي. د منصورخان په وینا، داسې کسان هم شته چې په یاده زلزله کې یې د کورنۍ ۲۵ غړي له لاسه ورکړې دي.
د پکتیکا د ګیان ولسوالي دغه اوسېدونکي داسې مهال زلزله خپلو سره د بېړنیو مرستو غوښتنه کوي چې د اسلامي امارت کابینې نن په یوې فوقالعاده ناسته کې خوست او پکتیکا کې زلزله ځپلو سره د مرستې په موخه یو میلیارد افغانۍ منظور کړې دي.
په ورته مهال د اسلامي امارت رییسالوزرا محمدحسن اخندزاده په دغه ناسته کې له نړیوالو مرستندویه بنسټونو غوښتنه کړې چې هېواد کې له زلزله ځپلو سره مرستې وکړي.
