د کاپیسا د نجراب ولسوالي مسوولان وايي، دوو ورونو په دې ولسوالي کې د نیالګیو پر سر شخړه کړې چې له کبله یې درېوو کسانو ته مرګژوبله اوښتې ده.
د نجراب ولسوال عطاالله نعمت سلاموطندار ته ویلي، دا پېښه نن سهار شاوخوا اتهنیمې بجې د دې ولسوالي په یاسینزیو سیمه کې شوې چې له کبله یې ۵۰ کلن عطاالله چې د ورور له لوري په تومانچې ویشتل شوی، ژوند له لاسه ورکړی او یو ورور یې له زوی سره ټپي شوی دی.
د نوموړي په وینا، په پېښه کې یو ښکېل ورور له دوو ځامنو سره نیول شوی او دوه نور ورونه تښتېدلي دي.
د سلاموطندار پښتو فېسبوکپاڼه وڅارئ
دا په داسې حال کې ده چې تر دې وړاندې وړاندې هم په یوشمېر ولایتونو کې د ځمکو، اوبو او نورو کورنیو موضوعاتو پر سر شخړې شوي چې له کبله یې ښکېلو لوریو ته مرګژوبله هم اوښتې ده.
