د استانبول سولې د غونډې په درشل کې د افغانستان ۷ مطرحو ګوندونو د يوې سیاسي کمېټې په جوړولو سره نن په کابل کې د يوې خبري غونډې پر مهال د استانبول غونډې په اړه خپل دريځ اعلان کړ.
د دې کمېټې غړيو وويل، يو شمېر کړۍ په بېلابېلو پلمو هڅه کوي تر څو د سولې بهير کې ستونزې رامنځته کړي.
د دې کمېټې غړيو ټینګار وکړ چې بايد دې کړيو ته اجازه ورنهکړل شي چې د سولې پروسې بهير ستونزمن کړي؛ خو دوی د دې کړيو نوم ياد نه کړ.
په ورته مهال د دې کمېټې غړيو روښانه کړه چې ټول جهتونه دې د استانبول سولې په غونډه کې په واحد نظر ګډون وکړي او بېلابېلې طرحې به ګټورې نه وي.
ټاکل شوې د استانبول د سولې ناسته اپرېل میاشت کې د افغانستان حکومت د لوړ پوړو حکومتي چارواکيو او طالبانو په ګډون جوړه شي. لا تر اوسه د غونډې کره وخت نه دی معلوم؛ خو ځينو سرچینو رسنیو ته ویلي چې دغه ناسته به د اپرېل مياشتې په ۱۶ڼېټه په ترکیه کې جوړه شي.
