د امریکا ځمکپېژندنې سروې وايي چې نن یکشنبه «تلې ۲۳» په هرات ولایت کې د یوه ساعت په ترڅ کې دوه زورورې زلزلې شوې دي.
لومړۍ زلزله چې نن سهار شاوخوا ۸ بجې شوې مرکز یې د یاد ولایت د کُشک ولسوالي کاریزنو سیمه ښودل شوې ده. د ریښتر په کچه د یادې زلزلې شدت ۶،۳ ښودل شوی دی.
د یوشمېر ولایتونو اوسېدونکي د پاسپورټ اخیستو لپاره د نوملیکنې بهیر کې د ځنډ په اړه شکایت کوي او وايي، د پاسپورټ نه لرلو له کبله یې ځینې کارونه نیمګړي پاتې دي او یا یې هم د ناروغ وضعیت چې باید د درملنې لپاره یې بل هېواد ته ولېږدوي، نور هم نازک شوی دی.
د افغانستان د اقتصادي پرمختیا ملي کنفرانس چې د ا.ا چارواکو او د هېواد د بېلابېلو پوهنتونونو استادانو پهکې ګډون کړی و، نن (د تلې دوهویشتمه، د شنبې ورځ) د پکتیا پوهنتون په تالار کې جوړ شو او درې ورځې به دوام وکړي. په دغه کنفرانس کې د ا.ا د سرپرستې کابینې د کورنیو چارو، لوړو زدهکړو، اقتصاد او پوهنې وزارتونو سرپرستانو هم ګډون کړی و.
د عامې روغتیا وزارت مسوولانو نن (د تلې میاشتې دوهویشتمه، د شنبې ورځ) چې د اکټوبر له څوارلسمې سره برابره ده، د سترګو «د لید نړیواله ورځ» ونمانځله.
د عامې روغتیا وزارت د خدمتونو وړاندې کولو رییس حبیبالله اخوندزاده په دې غونډه کې وویل چې هر کال په منځنۍ توګه د بېلابېلو ناروغیو او طبیعي پېښو له امله ۲۵۰۰۰ افغانان د خپلې یوې سترګې لید له لاسه ورکوي.
رویټرز خبري اژانس راپور ورکړی چې یو تصویراخیستونکی یې د لبنان په سوېل کې د اسرایيلو له لوري په توغول شوي راکېټ کې وژل شوی او شپږ نور خبریالان ټپیان شوي دي.
د کرنې، اوبو لګولو او مالدارۍ وزارت مسوولان په هېواد کې د وچکالۍ او اوبو کچې ټيټېدو په اړه د خلکو له شکایتونو وروسته وايي، په دولسو ولایتونو کې به د اوبو مهارولو په موخه د ۴۵۰ میلیونه افغانیو په ارزښت د اوبو چېکډیمونه جوړ کړي چې په خبره یې، په دې سره به په یادو ولایتونو کې د وچکالۍ ستونزې راکمې شي.
بغلان کې ولسي سرچینې وايي چې د دغه ولایت مرکز پلخمري ښار اړوند سیمه کې په یوه جومات کې دننه درنه چاودنه شوې ده.
ویل کېږي چې چاودنه نن جمعه «تلې ۲۱» هغه مهال شوې چې یاد جومات کې خلک د جمعې پر لمانځه بوخت وو.
د کاپیسا یوشمېر اوسېدونکي وايي چې دغه ولایت کې پر رواني ستونزو د اخته ناروغانو شمېر زیات شوی دی.
د یاد ولایت اوسېدونکی احمدذکي چې خپل تره یې اروايي ډاکټر ته د درملنې لپاره راوستی، سلاموطندار ته وویل چې تره یې پر ژور خپګان اخته شوی دی.
د فاریاب مرکز میمنې ښار کې د کُنجد او زغر غوړیو یوشمېر تولیدونکي وايي چې دغه کسب په یاد ولایت کې د ورکېدو په حال کې دی.
دوی دې برخه کې د مسوولانو د نه پاملرنې له امله د شکایت ترڅنګ وايي چې د کُنجد او زغر غوړیو تولید د دغه ولایت د اوسېدونکو یو پخوانی کسب دی چې اوس له پامه غورځول شوی دی.
هرات کې له زلزلهځپلیو سره د مرستو په لړ کې امریکا دغه ولایت کې له شوې زلزلې زیانمنو کورنیو سره د ۱۲ میلیونه امریکايي ډالرو د مرستې اعلان کړی دی.
د هند په کوربهتوب د روان ۲۰۲۳ کال د یو ورځنیو سیالیو نړیوال جام کې نن د نیوزیلنډ کرېکټ ملي لوبډله له بنګلدېش سره لوبه کوي.
ټاکل شوې چې دغه لوبه نن جمعه د اکتوبر ۱۳مه د هند په «اماې چېډمباران کرېکټ لوبغالي» کې ترسره شي.
د سلاموطندار موندنې ښيي چې هېواد کې د ښځو ورزس پر وړاندې د شته محدودیتونو له کبله د ورزش د بېلابېلو څانګو ښځینه لوبغاړې «ورزشکارانې» له هېواده بهر د وتلو په هڅه کې دي.
د کانونو او پټرولیم وزارت نن د جبلالسراج د سمنټونو د استخراج او پروسس پروژې تړونونه له یوه قطري او دوو کورنیو شرکتونه سره لاسلیک کړل.
د هرات د اطلاعاتو او فرهنګ ریاست مسوولان وايي چې د شوې زلزلې له امله د دغه ولایت ډېری تاریخي ابدات او لرغونې سیمې زیانمنې شوې دي.
خوست کې د اورتوپیدي او فزیوترافي ناروغیو د درملنې ځانګړي مرکز کې د ښځينه ډاکټرانو او کارکوونکو د نشتون له امله ښځینه ناروغانې له ستونزو سره مخ کړي دي.
د غزني د مالستان ولسوالي اوسېدونکو له لوري په دغه ولسوالي کې یوه ښوونځي ته جوړه شوې ودانۍ پرانېستل شوه.
دغه ښوونځی د مالستان ولسوالي په «کمرک» کلي کې جوړ شوی چې ټول لګښت یې د سیمې د اوسېدونکو له لوري ورکړل شوی دی.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
