په هرات کې د کرنې، مالدارۍ او اوبو لګولو ریاست له لوري د عشر ټولولو لړۍ پیل شوې، خو د دغه ولایت د بېلابېلو ولسوالیو یوشمېر کروندګر وايي چې د تېر کال سړې هوا او د اوبو نشتوالي له امله يې په کرنیزو حاصلاتو کې کموالی راغلی او نهشي کولای چې پوره عشر ورکړي.
د تخار د یوشمېر کلینیکونو مسوولان وايي چې په تېر یوه کال کې د وینې کموالي سره مخ مېرمنو، په تېره امېندواره مېرمنو شمېر زیات شوی دی. د دوی په وینا، د وینې کموالی لامل کېږي چې ماشوم مړ وزېږېږي او یا هم د یوشمېر میندو د مړینې لامل هم کېږي.
د کابل ښار د شهزاده سرای د مسوولانو د معلوماتو پر بنسټ، نن (د وږي پنځمه، د یکشنبې ورځ) تر غرمې پورې یو امریکايي ډالر په ۸۰ افغانۍ او ۴۰ پوله پلورل کېده؛ په داسې حال کې چې تېره اوونۍ د یوه امریکايي ډالر بیه تر ۸۸ افغانیو پورې رسېدله.
د بهرنیو چارو وزارت سرپرست امیرخان متقي د ایران د استازیو جرګې له یوه پلاوي سره لیدنه کې ویلي چې افغانستان د هېوادونو ترمنځ د اتصال پر مرکز بدلېدونکی دی.
له تېرو دوو کلونو راهیسې د افغانستان د سیاسي انزوا ترڅنګ د سیاسي-حقوقي جوړښتونو لهمنځه تلل او اقتصادي پاشلتیا د خلک پر ژوند اغېز کړی دی.
د سره صلیب نړیوالې کمېټې تازه په یوه راپور کې ویلي چې د افغانستان پر وړاندې د نړیوالې ټولنې بندیزونه لامل شوي چې د دغه هېواد د وګړو اقتصادي وضعیت لاپسې ننګونکی کړي.
د شهیدانو او معلولینو چارو وزارت مسوولان، له معلول لرونکو کسانو او یتیمانو غواړي چې د دغه وزارت د حرفوي زدهکړو د شپږ میاشتنۍ دورې لپاره دې نوملیکنه وکړي.
د افغانستان بانک وايي چې سبا یکشنبه د وږي پنځمه به «۱۴» میلیونه امریکايي ډالر د لیلام په توګه بازار ته وړاندې کړي.
د هېواد په ۲۷ ولایتونو کې د سلاموطندار د یوې سروې پایلې ښيي چې ۷۷سلنه ښځې د تاوتریخوالي له بېلابېلو ډولونو سره مخ شوي دي. په دغه سروې کې ۳۲۶ ښځو ګډون کړی چې پر بنسټ یې، له هرو څلورو ښځو، درې یې له تاوتریخوالي سره مخ دي.
د پنجشېر د اطلاعاتو او فرهنګ ریاست مسوولان وايي چې دغه ولایت ته له اېټالیا څخه د یوې ښځې په ګډون دوه سیلانیان ورغلي دي.
د مسوولانو په وینا، دغه سیلانیان به د یاد ولایت سیاحتي او طبیعي سیمو څخه لیدنه وکړي.
فاریاب کې یوې مېرمنې د دغه ولایت ۸۰ نورو ښځو ته د غالۍ اوبدلو په یوې کارخونه کې د کار کولو زمینه برابره کړې ده.
د یادې کارخونې مسووله وايي چې د غالۍ اوبدلو دغه کارخونه یې بېسرپرسته او معلول لرونکو ښځو ته د کاري زمینې د برابرولو په موخه جوړه کړې او په وینا یې، دا مهال شاوخوا ۸۰ ښځې په دې کارخونه کې کار کوي.
د افغانستان د سوداګرۍ او پانګونې خونې نن (د وږي دویمه، د پنجشنبې ورځ) کابل کې د یوې خبري غونډې پر مهال له سوداګرو وغوښتل چې خپل محصولات معیاري او پر کیفیت یې کار وکړي.
د سوداګرۍ او پانګونې خونې د رهبري پلاوي غړی خانجان الکوزی وايي: «ادارې د خصوصي سکټور د ملاتړ لپاره مکلفې دي چې په کارونو کې یې اسانتیاوې برابرې کړي؛ لکه دوه درې ځله مالیه اخیستل کېږي.
د بهرنیو چارو وزارت سیاسي مرستیال وايي چې اوسنی حکومت باید د خپل پایښت لپاره عدالت ټینګ کړي او د نجونو او ښځو لپاره د ښوونځيو او پوهنتونونو دروازې بېرته پرانیزي.
د بادغیس محلي مسوولان وايي چې د دغه ولایت په یوشمېر ښوونځیو کې د څښاک پاکو اوبو د برابرولو اووه پروژې پیل شوې دي.
د دوی په وینا، دغه پروژې د یونېسف په مالي ملاتړ مرکز قلعهنو او ولسوالیو کې پیل شوي چې په لمریزې برښنا به سمبال وي.
د میدانوردګ د طبیعي پېښو پر وړاندې د مبارزې ریاست مسوولان وايي چې د »افغاني سرې میاشتې او HHRD موسسې» پرمټ د جلرېز او نرخ ولسوالیو په ۷۰۰ سېلاب ځپلیو کورنیو خوراکي توکي ووېشل شول.
په افغانستان کې د بېوزلۍ او وزګارتیا په زیاتېدو سره د کډوالۍ نړیوال سازمان یا IOM له اندېښنې سره هممهاله د کابل یوشمېر اوسېدونکو چې په تېرو دوو کلونو کې یې دندې له لاسه ورکړي او اوس له ناوړه اقتصادي وضعیت سره مخامخ دي، سلاموطندار ته ویلي چې څو ځله یې د کار موندلو هڅه کړې، خو پیدا کړی یې نهدی.
د افغانستان بانک وايي چې سبا دوشنبه د زمري ۳۰مه به «۱۴» میلیونه امریکايي ډالر د لیلام په توګه بازار ته وړاندې کړي.
