د صنعت او سوداګرۍ وزارت مسوولان وايي، یوشمېر بهرنیو پانګهوالو هېواد کې دوه میلیارډ ډالرو پانګونې ته لېوالتیا ښودلې ده.
د صنعت او سوداګرۍ وزارت مسوولانو نن چهارشنبه د زمري څلورمه ملت ته د دولت حساب ورکولو پروګرام کې د خپل کلني راپور وړاندې کولو پر مهال وویل چې دا مهال بهرنیو پانګهوالو هېواد کې ۱۵۰ میلیونه ډالر پانګونه کړې.
د عاشورا ورځې په رانږدې کېدو سره بلخ کې امنیتي مسوولان وايي چې دغه ولایت کې یې د شیعه وګړو اړوند جوماتونو او تکیهخانو امنیت لپاره کلک تدابیر نیولي دي.
تخار کې د ګرمۍ څپې خپرېدو سره هممهاله د ښوونځیو یوشمېر ښوونکي وايي چې هره ورځ په ټولګیو کې د ګرمۍ له امله زدهکوونکي بېهوښه کېږي.
د ښوونکو په وینا، په هر درسي ټولګي کې له ۴۰ تر ۱۰۰ زدهکوونکي زدهکړې کوي او دې ورځو کې سخته ګرمي لامل شوې چې ځینې زدهکوونکي بېهوښه شي.
د برښنا شرکت مسوولان وايي چې د مخکیني حکومت د زورواکو او سیاستوالو په ګډون یې له خپلو پوروړو څخه ۱۱۸ میلیونه افغانۍ پور راټول کړی دی.
سرپرست حکومت وايي چې کابل ته د افغانستان په چارو کې د پاکستان د ځانګړي استازي اصف علي دراني د سفر پر مهال د دواړو لوریو ترمنځ پر سوداګریزو، افغان کډوالو او امنیتي مسایلو هوکړې ته رسېدلې دي. هغه زیاتوي: «نړۍ دې خپلې اندېښنې باید له ډيپلوماټیکو لارو مطرحه کړي، څو اعتماد رامنځته شي او ښه تفهام وشي.»
د هرات د کرنې، اوبو لګولو او مالدارۍ ریاست مسوولان وايي چې د تېر کال په پرتله سږکال دغه ولایت کې د انګورو حاصلاتو کې ۲۵سلنه کموالی راغلی دی.
په داسې حال کې چې د وروستیو ورځو پر مهال کابل ښاریان د برښنا پرچاوۍ له ډېروالي شکایت کوي، د برښنا شرکت مسوولان وايي چې تېر یوه کال کې یې څه باندې ۳۳ میلیارډه افغانۍ عواید ټول کړي دي. د برښنا شرکت د مسوولانو په وینا، دغه عواید یې د برښنا له درکه له خپلو پېرودونکو راټول کړي دي.
هرات کې د اطلاعاتو او فرهنګ وزارت د ځوانانو چارو معین محمدیونس راشد له لوري نن دوشنبه د زمري دویمه هرات کې د ۲۳زره ډالرو په ارزښت د فریلنسینګ یا د «انلاین کاروبار» لومړنی مرکز پرانېستل شو.
د عاشورا ورځې په رانږدې کېدو سره د کابل د امنیې قومنداني مسوولان د محرم ورځو او په ځانګړې توګه د عاشورا مراسمو پرمهال د امنيت د ټینګښت ډاډ ورکوي.
د کانونو او پټرولیم وزارت مسوولان وايي چې دا مهال په ټول هېواد کې ۲۰۰ کوچني کانونه فعال دي چې د ۱۰۸ کانونو د استخراج قراردادونه یې تېر کال شوي دي.
د یاد وزارت مسوولانو دغه څرګندونې نن دوشنبه د زمري دویمه «ملت ته د دولت د حساب ورکولو پروګرام» کې کړې دي.
د بلخ یوشمېر اوسېدونکي او شیعه مذهبي وايي، د امنیتي اندېښنو له امله یې سږکال د عاشورا ورځې لمانځنې لپاره هغه ډول چې پهکار ده، چمتووالی نه دی نیولی.
دوی د بلخ له امنیتي مسوولانو غواړي چې د عاشورا ورځې لمانځنې لپاره دې کلک امنیتي تدابیر ونیول شي.
میدانوردګ کې د سېلابونو له امله د قربانیانو شمېر ۳۰ کسانو ته او د ټپیانو شمېر ۱۵ کسانو ته لوړ شوی دی.
د میدانوردګ د طبیعي پېښو پر وړاندې مبارزې ریاست مسوولان وايي چې د روانې اوونۍ د یکشنبې پر شپه د راوتلو سېلابونو له امله د ښځو او ماشومانو په ګډون ۳۰ کسان مړه شوې دي.
د سوداګرۍ او پانګونې خونې مسوولان وايي چې نن یکشنبه «زمري لومړۍ» کابل کې د امام ابوحنیفه د اووه ورځني نړیوال نندارتون په پای کې یوشمېر سوداګرو د خپلو تولیداتو د پلور لپاره قراردادونه ترلاسه کړي دي.
د افغاني سرې میاشتې ټولنې رییس مطیعالحق خالص د ترکیې په کوربهتوب د قطر، بریټانیا، اسټرالیا، کاناډا، المان، ناروې، فنلنډ او ډنمارک په ګډه غونډه کې له نړیوالې ټولنې غوښتنه وکړه چې افغانانو سره خپلې مرستې روانې وساتي.
پېښو ته د رسېدو په چارو کې د دولت وزارت ویاند شفېعالله رحیمي کابل کې یوې خبري غونډې ته وویل، د تېرو درېوو شپو او ورځو پرمهال د هېواد بېلابېلو سیمو کې د سېلابونو له کبله لږ تر لږه ۳۱ کسان مړه شوي، ۷۴ ټپیان او ۴۱ نور لادرکه شوي دي.
د اقتصاد وزارت مسوولان وايي چې د تېر یوه کال پر مهال یې د ۲۱ بهرنیو موسسو په ګډون ۳۷۶ نادولتي موسسو ته د فعالیت جوازونه ورکړي دي.
د یاد وزارت مسوولانو دغه څرګندونې نن یکشنبه د زمري لومړۍ نېټه ملت ته د حکومت د حساب ورکولو پروګرام کې خبریالانو ته کړې دي.
