د بېګباش لیګ سیالیو په لړ کې د راشدخان لوبډلې «اډلېډ سټرایکرز» د هوبارټ هریکېنز لوبډلې پر وړاندې ستره ماته وخوړه.
اډلېډ سټرایکرز لوبډلې دې سیالي کې لومړی توپوهنه وکړه او په ټاکل شویو شلو اورونو کې یې د شپږو لوبغاړو په سوځېدو هریکېنز لوبډلې ته د ۱۷۸ منډو هدف وټاکه.
سټرایکرز لوبډلې لپاره په توهنه کې کرېس لاین ۸۷ او ماټیو شارټ ۳۸ منډې وکړې. هوبارټ هریکېنز لوبډلې ورکړل شوی هدف د لوبې په ۱۷ اورو کې ترلاسه کړ او بریا یې خپله کړه.
کلېب جېوېل او بېن مکډېرموټ په دې سیالي کې د هریکېنز لپاره نیمه سلیزې ووهلې. د نن په لوبه کې راشدخان د خپلې لوبډلې لپاره ښه لوبه ونه کړه او په څلور اورونو کې یې ۴۳ منډې ورکړې او یو لوبغاړی یې وسوځاوه.
سلاموطندار پر ټویټر هم وڅارئ
د اسټرالیا د بېګباش لیګ د سیالیو د جدول په سر پېرټ سکارچرز له شپږو لوبو څخه په پنځو بریاوو او یوې ماتې سره لومړی او برېزبېن هېټ په څلور ماتو او دوو بریاوو سره د جدول په وروستي ځای کې شتون لري.