د افغانستان بانک خبر ورکړی چې د «افغانۍ» د پولي ارزښت ساتلو او ثبات لپاره به د یکشنبې په ورځ ۱۷ میلیونه امریکايي ډالر لیلام کړي.
د سلاموطندار پښتو فېسبوکپاڼه وڅارئ
دغه بانک له نورو پر شرایطو برابرو خصوصي بانکونو او د پولي خدمتونو له شرکتونو او صرافیو غوښتي چې په دې داوطلبۍ کې ګډون وکړي.
د افغانستان بانک ویلي، د دغه لیلام ګټونکي باید د همدې ورځې تر پایله خپل حسابونه پاک او د خپلې ذمې نغدې پیسې په یو وار دغه بانک ته ورکړي.
د افغانستان بانک تر دې مخکې هم میلیونونه ډالر د «افغانۍ» د ارزښت او ثبات ساتلو په موخه د ورته داوطلبیو له لارې بازار ته وړاندې کړي دي.