د ۲۰۲۲ کال د روان کرېکټ شل اووره نړیوال جام سیالیو په لړ کې نن د اسټرالیا کرېکټ ملي لوبډلې د ۴۲ منډو په توپیر ایرلنډ ته ماته ورکړه.
اسټرالیا په دغه لوبه کې لومړی توپوهنه وکړه او په ټاکل شویو شل اورونو کې یې د پنځو لوبغاړو په سوځېدو ایرلنډ ته د ۱۸۰ منډو هدف وټاکه.
د اسټرالیا لپاره په توپوهنه کې لوبډلمشر ارون فینچ ښه وځلېد او ۶۳ منډې یې جوړې کړې.
په ځواب کې د ایرلنډ د کرېکټ ملي لوبډلې له ټاکل شویو شلو اورونو څخه ۱۸.۱ اورونه ولوبول او د ټولو لوبغاړو په سوځېدو یې ۱۳۷ منډې جوړې کړې.
د ایرلنډ لپاره په توپوهنه کې لورکان ټاکر ښه لوبه وکړه او تر پایه ناسوځېدلی پاتې شو. نوموړي ۷۱ منډې جوړې کړې.
سلاموطندار پر ټویټر هم وڅارئ
اسټرالیا په دې بریا سره د جدول دویم ځای خپل کړ.
