د مصنوعي ځیرکتیا او ډیجیټل پیسو په برخه کې د امریکا ولسمشر ډونالډ ټرمپ سلاکار ډیوډ ساکس ویلي، ایران سره د امریکا د جګړې دوه اونۍ کیږي، خو که دغه جګړه میاشتې دوام وکړي، اسراییل به په راحتۍ سره لهمنځه لاړ شي.
د راپورونو پر اساس، هغه د ایران له لوري په اسراییل شویو بریدونو څخه اندېښنه وښوده او وې ویل، امریکا باید ایران سره له جګړې ووځي.
د ده په وینا، اسراییل ایران سره جګړه کې تر بل هر وخت ډېر په نښه شوی.
ډیویډ ساکس زیاته کړې چې: «اوس یې ښه وخت دی، څو بریا اعلان کړو او له دغې جګړې ووځو.»
د مصنوعي ځیرکتیا په برخه کې د ټرمپ سلاکار همدارنګه ویلي، که د نښتو زیاتوالی د مطلوبې پایلې لامل نهشي، باید په دې فکر وشي چې څنګه نښتې راکمېدی شي.