د ملګروملتونو سرمنشي انټونیو ګوټرېش د زدهکړو د نړیوالې ورځې په مناسب پر خپله ټوېټرپاڼه لیکلي چې اسلامي امارت دې د نجونو د زدهکړو پر وړاندې تبعیضي چلند پای ته ورسوي. نن د جنوري ۲۴مه د زدهکړو نړیوالې ورځې سره برابره ده.
د ملګروملتونو سرمنشي نن سهشنبه د سلواغې څلورمه پر خپله ټوېټرپاڼه د اسلامي امارت پر حکومت غږ کړی چې د نجونو د زدهکړو او لوړو زدهکړو پر وړاندې بندیزونه لغوه کړي.
نوموړي لیکلي: «زه پر اسلامي امارت غږ کوم چې د نجونو د ثانوي، لېسې او لوړو زدهکړو ته د لاسرسي په اړه خپل ظالمانه محدودیتونه لغوه کړي.»
Now is the time to end all discriminatory laws and practices that hinder access to education.
I call on the Taliban to reverse the outrageous and self-defeating ban on access to secondary and higher education for girls & women in Afghanistan. #EducationDay
— António Guterres (@antonioguterres) January 24, 2023
د ملګروملتونو سرمنشي داسې مهال افغانستان کې د نجونو د زدهکړو پر وړاندې د محدودیتونو د لرې کېدو غوښتنه کوي چې په روانه اوونۍ کې د ملګروملتونو دوو لوړپوړو پلاویو افغانستان ته د خپل سفر پر مهال د نجونو پر زدهکړو ټينګار کړی دی.
سلاموطندار پر ټوېټرپاڼه هم وڅارئ
په ورته مهال د بشري مرستو په چارو کې د ملګروملتونو د سرمنشي مرستیال مارتین ګرېفېټس پرون دوشنبه کابل ته راغلی او له یوشمېر چارواکو سره د لیدنې پر مهال یې افغانستان کې د نجونو او ښځو پر زدهکړو او کار د بندیزونو په اړه اندېښنه څرګنده کړې ده.