د کابل د امنیې قومانداني ویاند فردوس فرامرز وايي چې نن ماسپښین شاوخوا دوه بجې او پنځوس دقیقې د کابل ښار د لومړۍ ناحیې اړوند په میوند جاده کې چاودنه شوې ده.
د نوموړي په وینا، د لومړنیو معلوماتو پر بنسټ، په یاده چاودنه کې څلور ملکیان وژل شوي او یوولس نور ټپیان دي. فرامرز وايي چې د چاودنې په اړه نور جزیات به وروسته شریک کړي.
هغه ټینګار کوي چې پولیسو د پېښې څېړنه او د عاملانو د نیولو لپاره یې هڅې پیل کړې دي.
تر اوسه کوم چا یا ډلې د دې چاودنې مسوولیت پر غاړه نه دی اخیستی.
