باختر دولتي اژانس پر ټویټر د امنیتي مسوولانو له قوله لیکلي چې ګازو د کابل ښار په تایمني سیمه کې د یوې کورنۍ شپږ غړي مړه کړي دي.
د باختر په وینا، په مړو شویو کسانو کې دوه ښځې او څلور ماشومان شامل دي.
د باختر د معلوماتو له مخې، دا پېښه د کابل ښار د څلورمې امنیتي حوزې اړوند په تایمني سیمه کې شوې ده.
بلهخوا پر ټولنیزو رسنیو د دې پېښې یوه ویډیو خپره شوې چې ښيي، یوه ښځه او څلور ماشومان د خوب په بستره او بله ښځه هم په تشناب کې مړه شوې ده.
ویډیو کې ښکاري چې دغې کورنۍ په کوټه کې اوکرینا جاپان بخارۍ لګولې او دوی ورته ویده شوي دي.
د سلاموطندار پښتو فېسبوکپاڼه وڅارئ
ګڼشمېر هېوادوال د هوا په سړېدو سره د کورونو تودولو په موخه ګازي بخارۍ کاروي او ورسره د بېغورۍ له کبله یې بیا ورته پېښې کېږي.
څه موده مخکې په غزني کې هم یوه مور له دوو لوڼو سره د ډبرو سکرو له کبله خپل ژوند له لاسه ورکړی و.
