د مالیزیا لومړي وزیر انور ابراهیم د ونزویلا پر وړاندې د امریکا پوځي اقدام په کلکو ټکو غندلی او هغه یې له نړیوالو قوانینو سرغړونه بللې ده.
نوموړي له واشنګټن څخه غوښتي چې د ونزویلا ولسمشر نیکولاس مادورو او د هغه مېرمن ژر تر ژره خوشې کړي.
انور ابراهیم پر خپله ایکسپاڼه (پخواني ټویټر) لیکلي: «د ونزویلا ولسمشر او د هغه مېرمن د امریکا د پوځ په یوه بېساري او غیرمعمولي عملیاتو کې نیول شوي دي. دا ډول کړنې د نړیوالو قوانینو ښکاره سرغړونه او پر یوه خپلواک دولت د زور غیرقانوني کارونه ګڼل کېږي.»
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
هغه ټینګار کړی چې مادورو او د هغه مېرمن باید «بې له هر ډول ځنډه» خوشې شي.
د مالیزیا لومړي وزیر همدارنګه خبرداری ورکړی چې د بهرني ځواک له لارې د یوه واکمن حکومت د مشر لرې کول، یو خطرناک ساری رامنځته کوي او د دولتونو ترمنځ د ځواک د کارونې بنسټیز محدودیتونه کمزوري کوي.