د ټایلنډ او کمبودیا ترمنځ نښتې تېره ورځ د سرحدي سیمې پر سر د شخړې په دلیل پیل شوې چې نن جمعه د دویمې ورځې لپاره هم دوام لري.
یوشمېر رسنیو راپور ورکړی چې د ټایلنډ حکومت ویلي، دغو نښتو کې یې د یوه سرتیري په شمول ۱۴ کسان وژل شوي.
د ټایلنډ چارواکو په وینا، کمبودیا سره پوله کې له مېشتو سیمو د تخلیه شویو ملکي کسانو شمېر هم تر ۱۳۸ زره کسانو زیات شوی.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
ټایلنډ او کمبودیا کلونو راهیسې شاوخوا ۸۰۰ کیلومتره پوله کې پر سیمو اختلاف لري.
دغه دوه هېوادونه دواړه یو بل د نښتو په پیلولو تورنوي.
د کمبودیا لومړي وزیر هون مانیت تېره ورځ د ملګرو ملتونو له امنیت شورا وغوښتل چې د دغې نښتې پایته رسولو لپاره بېړنۍ غونډه ترسره کړي.