د هرات محلي مسوولان وايي چې د دغه ولایت د رباطسنګي ولسوالي اړوند سیمه کې یوه کس خپل پلار وژلی دی.
پېښه نن پنجشنبه، تلې ۱۹مه رامنځته شوې.
د سلاموطندار پښتو فېسبوکپاڼه وڅارئ
د رباطسنګي د ولسوال مرستیال عبدالرحیم رحماني سلاموطندار ته وايي چې پېښه د پلار او زوی د لفظي شخړې له کبله رامنځته شوې چې زوی خپل پلار په کلاشینکوف وژلی دی.
بلخوا د یادې ولسوالي اوسېدونکی عبدالله قادري بیا وايي چې د نښتې لامل له میراث د زوی محرومول و.
یاد کس د امنیتي ځواکونو له لوري نیول شوی او دا مهال تر څېړنو لاندې دی.
له دې وړاندې هم په دغه ولایت او د هېواد په نورو ولایتونو کې هم ورته پېښې رامنځته شوي چې لامل یې، تر ډېره کورنی تاوتریخوالی یاد شوی دی.