بادغیس کې چارواکي وايي چې دغه ولایت کې د ۲۲زره ډالرو په ارزښت د توبرکلوز د تشخیص دستګاه فعاله شوه.
د مسوولانو په وینا، د توبرکلوز د تشخیص دغه څلورمه دستګاه د جوند ولسوالي روغتیايي مرکز کې فعاله شوې.
د سلاموطندار پښتو فېسبوکپاڼه وڅارئ
د بادغیس والي د رسنیو دفتر څخه په خپره شوې خبرپاڼه کې ویل شوي چې له دې پرته درې نورې دستګاوې دا مهال د قلعهنو مرکزي روغتون او د ولسوالیو په روغتیايي مرکزونو کې فعالې دي.
دغه دستګاه د یواېنډيپي په مالي لګښت په ۲۲ زره امریکايي ډالرو فعاله شوې ده.
په خبرپاڼه کې همداراز ویل شوي چې د یادې دستګاه په فعالېدو سره به د توبرکلوز ناروغۍ د تشخیص او درملنې برخه کې د خلکو ستونزې هوارې شي.
بادغیس کې داسې مهال د توبرکلوز د تشخیص دستګاه فعالېږي چې د هېواد لروپرتو سیمو او ولایتونو کې خلک د روغتیايي تجهیزاتو له کمښت سره مخ دي.