د ښار جوړولو وزارت مسوولانو د دوشنبې په ورځ د اطلاعاتو او رسنیو مرکز کې د امارتي ادارو د یوکلنو لاستهراوړنو د وړاندې کولو په پروګرام کې ویلي چې تېر کال د ولایتونو لپاره ۵۷ ښاري پراختیايي پلانونه منل شوي دي.
د سلاموطندار پښتو فېسبوکپاڼه وڅارئ
د دغه وزارت سرپرست حمدالله نعماني وايي، تېر کال یې ۴۴۳ رغنیزې پروژې څارلي او له ۳۰۰۰ څخه زیاتې ښاري سرغړونې یې په نښه کړې دي. د نوموړي په وینا، اوس د دغه وزارت ۷۰۰ پروژې چې د نړیوال بانک لهخوا تمویلېدې، نیمګړې پاتې دي.
د ښار جوړولو وزارت د ښاري چارو مرستیال مرادعلي کریمي بامیاني وايي، د ټرافیکي ګڼهګوڼې د کمولو په موخه به د کابل په چهاراسیاب، خاکجبار، ستالف او ارغندي ولسوالیو کې څلور ټرانسپورټي ترمینلونه جوړ شي.
د یادونې ده چې د ښار جوړولو وزارت په تېر یوه کال کې په ۲۹ ولایتونو کې د ۴۶ ښارګوټو او د کابل او کندهار پر لویې لارې د ۳۱۲ جوماتونو د جوړولو چارې هم بشپړې کړې دي.
