د ټولګټو وزارت مسوولان وايي، د سالنګ لویه لاره چې د واورې او توپان له امله تړل شوې وه، له ۲۰ساعته ځنډ وروسته بېرته پرانېستل شوه.
د دغه وزارت ویاند محمداشرف حقشناس سلاموطندار ته وايي چې یاده لویه لاره «پرون، شنبه» له غرمې وروسته تړل شوې وه او نن یکشنبه، سلواغې ۱۵مه، د ټرافیکو پرمخ بېرته پرانېستل شوه.
د حقشناس په وینا، سالنګونو کې د واورې اندازه توپیر لري او ځینو سیمو کې تر ۱۳۹ سانټيمټرو پورې هم واوره ورېدلې. هغه زیاته کړه چې شمالي سالنګ کې ۵۴سانټيمټره او سوېلي سالنګ کې بیا له ۶۴ تر ۱۳۹مټرو په اندازه واورې شوې.
د ټولګټو وزارت ویاند محمداشرف حقشناس ټينګار وکړ چې اوس پر دې لارې یوازې کوچنیو موټرو ته د تګراتګ اجازه ورکړې شوې او د لارې تر بشپړې پاکېدو به لوی او باروړونکي موټرو ته د تګ اجازه نهوي.
هغه دا مهال وویل چې د نن ورځې تر پایه به یاده لاره د هر ډول موټرو د تګراتګ لپاره پاکه شي.
سلاموطندار پر ټویټر هم وڅارئ
نوموړی له موټرچلوونکو غواړي چې د تګراتګ پر مهال اړوند وسایل او توکي له ځان سره ولري او د سالنګ لویې لارې مسوولانو لارښوونو او سپارښتنو ته پام وکړي.