د هند په کوربهتوب په روان نړیوال جام کې نن د افغانستان کرېکټ ملي لوبډله د سریلانکا کرېکټ ملي لوبډلې سره سیالي کوي.
ټاکل شوې چې دغه لوبه نن دوشنبه د اکتوبر ۳۰مه د هند د پونې په «مهاراشټرا کرېکټ لوبغالي» کې ترسره شي.
د سلاموطندار پښتو فېسبوکپاڼه وڅارئ
افغانستان په روان نړیوال جام کې په وروستیو دوو سیالیو کې ښکلې لوبې کړي او انګلستان او پاکستان یې له مخې پورته کړې دي.
د افغانستان کرېکټ ملي لوبډله دا مهال د یادو سیالیو د جدول په اووم ځای کې شتون لري او له کړیو پنځو سیالیو څخه یې دوه ګټلي او درې یې بایللې دي.
افغان کرېکټ ملي لوبډلې له سریلانکا سره په کړیو وروستیو پنځو سیالیو کې یوازې یو ځل دې لوبډلې ته ماته ورکړې او پاتې لوبې یې بایللې دي.
د سریلانکا کرېکټ ملي لوبډلې هم په روان نړیوال جام کې تراوسه پنځه لوبې کړي، دوه یې ګټلی او درې یې بایللي چې ورسره د جدول په پنځم ځای کې شتون لري.