د مالیې وزارت نن په یوه خبرپاڼه کې لیکلي چې د ۱۴۰۱ مالي کال په یوولس میاشتو کې یې له ګمرکونو ۱۰۰ میلیارډه افغانۍ عواید را ټول کړي دي.
د سلاموطندار پښتو فېسبوکپاڼه وڅارئ
د دغه وزارت په وینا، دا پیسې د افغانستان د ګمرکونو په تاریخ کې بېمخینه دي.
د مالیې وزارت په خبرپاڼه کې زیاته شوې چې د اسلامي امارت له واکمنېدو مخکې د هېواد د ګمرکونو کلني عواید له ۷۲ میلیارډه افغانیو نه و اوښتي.
د خبرپاڼې له مخې، که څه هم اسلامي امارت پر لومړنیو خوراکي توکو ګمرکي تعرفه ۶۸ سلنې ته را ټیټه شوې، خو بیا هم د مالي کال له پای ته رسېدو مخکې د ګمرکونو عواید ۱۰۰ میلیارډه افغانیو ته رسېدلي دي.
مالیې وزارت ټینګار کړی چې د ګمرکي عوایدو بېمخنیې ډېروالی ښيي چې ګمرکونو کې مسلکي او ژمن کسان ګومارل شوي، د فساد کچه صفر ته ټیټه شوې او په ګمرکي چارو کې بشپړه روڼتیا رامنځته شوې ده.
