میدانوردکو کې مسوولان په دې ولايت کې له طالبانو د ۳۹ ملکي وګړيو د خوشې کېدو خبر ورکوي. د ياد ولايت د ولايتي شورا غړی احمد جعفري وايي، ټول هغه ۳۹ ملکي وګړي چې تېره اوونۍ طالبانو تښتولي وو، تېره شپه د قومي مشرانو په منځګړیتوب خوشې شول.
نوموړي وویل، د طالبانو ۶ جنګیالي چې وردکو کې د نامسووله وسلهوالو قومندان عليپور سره وو، د دغو ۳۹ ملکیانو خوشې کولو په بدل کې طالبانو ته سپارل شوي.
کوم ملکیان چې د طالبانو له خوا بیول شوي وو، د میدانوردکو د بهسودو د لومړۍ حصې او دویمې حصې اوسېدونکي دي.
د میدانوردکو د والي ویاند محب الله شریفزی هم وايي، د طالبانو له خوا برمته شوي کسان بېرته خوشې او خپلو کورنیو سره یو ځای شوي دي.
شريفزي وويل، ځايي ادارې د ولایتي شورا، علماوو او قومي مشرانو په هڅو لومړۍ ډله له برمته کېدو یوه ورځ وروسته ازاد کړل او دويمه ډله یې چې ۱۱ کسان وو، تیر ورځ ازاد کړل.
طالبانو تراوسه پورې په دې اړه رسنیو ته څه نهدي ویلي.
