سره له دې چې ا.ا په وار وار ډاډ ورکړی چې افغان خاوره به هېڅکله د بل هېواد پر ضد ونه کارول شي، خو بیا هم نړیوالو په تېرو دوو کلونو کې له افغانستان څخه د ترهګرۍ ګواښونو او امنیتي ستونزو په اړه اندېښنې ښودلې دي.
د غزني اوسېدونکي د نورو ستونزو ترڅنګ، شکایت کوي چې په دغه ولایت کې ګڼشمېر زدهکوونکي ښوونځیو ته لاسرسی نه لري او هغوی چې ښوونځیو ته ځي، په ازاده فضا کې ژوند کوي. د غزني په مرکز او ولسواليو کې يوشمېر اوسېدونکي او ښوونکي د ښوونځيو د ودانيو له نه موجودیت څخه سر ټکوي او دې برخه کې پر حکومت نيوکه کوي.
د ننګرهار امنیتي مسوولان وايي چې د دغه ولایت په مرکز او یوشمېر ولسوالیو کې د تېرو دوهنیمو میاشتو پر مهال ۴۵۰ عدد چارتراش لرګي نیول شوي دي.
د ننګرهار د امنيې قومنداني د ځنګلونو ساتې (شنې قطعې) قومندان قاري شيرين اغا بدر سلاموطندار ته وایي چې د دې ولایت په خوږياڼو، پچيراګام، اچين، سپين غر او يوشمېر نورو ولسواليو کې دغه چارتراش نیول شوي دي.
د افغانستان کرېکټ ملي لوبډله په خپل کوربهتوب نن د ایرلنډ کرېکټ ملي لوبډلې سره د درېوو یو ورځنیو سیالیو د لوبلړۍ درېیمه او وروستۍ لوبه کوي.
ټاکل شوې چې یاده لوبه نن سهشنبه مازدیګر ۴بجې د عربي متحده اماراتو په شارجه کرېکټ لوبغالي کې ترسره شي.
د کندهار امنیې قومنداني مسوولان وايي چې د تېر یوه کال پرمهال یې د نشهيي توکو اړوند ٣٣١ قضیې ثبت کړي او په تړاو یې ۶۰۳ کسان نیولي دي.
د یاد ولایت د امنیې قومنداني ویاند اسدالله جمشید سلاموطندار ته وویل چې د یادو کسانو د نیولو ترڅنګ یې په کندهار ښار او ولسوالیو کې سلګونه جریبه د تریاکو او بنګو کرل شوي کښتونه هم لهمنځه وړي دي.
پاکستان د تورخم دروازه له تېرو دوو ورځو راهیسې د ناروغانو د تګراتګ پر مخ تړلې چې د یادې لارې تلوونکو ناروغانو او ناروغلرونکو ته یې ګڼې ستونزې رامنځته کړې دي.
یوشمېر ناروغلرونکي سلاموطندار ته وايي چې ناروغان یې له دوو ورځو راهیسې پاکستان ته د اوښتو په تمه دي، خو هاخوا د تللو اجازه نهورکوي.
د روزګان د اطلاعات او فرهنګ ریاست مسوولان وايي چې د دغه ولایت په چهارچینو ولسوالي کي یې د یوه کس له کوره، لسګونه تاریخي اثار موندلي دي.
د یاد ولایت د اطلاعات او فرهنګ ریاست د فرهنګ او ګرځندوی امر محمدافضل سید سلاموطندار ته وویل چې دغه اثار یې، له ډېرو هڅو وروسته موندلي او تر څېړنیو وروسته به یې تاریخي مخینه معلومه کړي.
د کندهار په ارغنداب ولسوالي کی د درېوو میلیونه افغانیو په لګښت د اوبو یوه چکډېم د جوړېدو د بنسټ ډبره کېښودل شوه.
د «تړلي درې» په نوم دغه چکډېم د کندهار ارغنداب ولسوالي د محمدیعقوب خان کلا په نوم سیمه کې جوړېږي. یاد چکډېم د ۴۰۰۰ متره مکعب اوبو د زېرمه کولو ظرفیت لري.
د امربالمعروف او نهې عمالمنکر وزارت سرپرست محمدخالد حنفي وايي چې دیني عالمان، د ټولنې مخور او قومي مشران باید د ناوړه دودونو لهمنځه وړو لپاره جدي اقدامات وکړي.
نوموړي دغه څرګندونې میدانوردګ ته د سفر په ترڅ کې د شریعت خلاف ناوړه دودونو د مخنیوي په هکله جوړه شوې غونډې ته کړې دي.
د لوګر مرکز پلعلم کې د کرنې ریاست له لوري جوړه شوې یوې غونډې ته د کرنې او مالدارۍ وزارت سرپرست عطاءالله عمري وویل چې د تېر یوه کال په ترڅ کې د ځمکې لاندې اوبو زیاتېدو او خوندیتوب په موخه ۵۰۰ لوي او واړه چکډېمونه جوړ کړي دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
