د کندهار د والي ویاند محمود اعزام سلاموطندار ته ویلي چې د دغه ولایت والي ملا محمدشېرین اخوند د یکشنبې په ورځ د کندهار ملکي او نظامي ادارو ته یو مکتوب لېږلی چې پر بنسټ یې باید د «ژوندیو» موجوداتو له تصویر او ویډیو اخیستلو څخه ډډه وکړي. هغه وايي چې یاد حکم عامو وګړو لپاره نهدی.
د نورستان محلي مسوولان وايي، د دغه ولایت د نورګرام ولسوالي «تتیندره» کې د غر ښوویېدنې له امله پنځه کسان مړه او څه باندې ۲۵ لادرکه دي.
د نورستان د اطلاعاتو فرهنګ رییس سمعالحق حقبیان سلاموطندار ته ویلي، پېښه تېره شپه شاوخوا ۱۲بجې د اورښتونو له امله غره څخه د کلي پر لور تیږې ښوویېدلي چې پرمهال یې ۲۵کورونه لهمنځه تللي دي.
د بدخشان او غزني ولایتونو محلي مسوولان سلاموطندار ته وايي چې په یادو ولایتونو کې د سختو اورښتونو له امله د یوشمېر ولسوالیو لویې لارې تړل شوي دي.
د یادو ولایتونو د ځینو ولسوالیو لویې لارې پرانېستل شوي، خو ځینې نورې یې بیا د اورښتونو له امله لاهم تړلې پاتې دي.
د پنجشېر د والي ویاند سیفالدین لټون نن دوشنبه سلواغې ۳۰مه سلاموطندار ته وايي چې د دغه ولایت د حصهاول ولسوالي د خنچ په «دره مُکُني» او نورو سیمو کې د واورې ښوویېدو له امله دوه کسان مړه او یو بل ټپي شوی.
د نوموړي په وینا، د یادو کسانو له ډلې یې یو کان کېندونکی او دوه یې د یادې سیمې اوسېدونکې دي.
د کندهار میوند ولسوالي اوسېدونکي او هټۍوال په دغه ولسوالي کې د هرات-کابل غځول شوي سړک برخې د جوړېدو غوښتنه کوي.
دوی سلاموطندار ته وايي چې د یاد سړک د پراخېدو او جوړېدو لپاره دې ولسوالي کې د خلکو هټۍ هم نړول شوې وې، خو په وینا یې، سړک تراوسه نهدی رغول شوی.
نوموتی شاعر او لیکوال عبدالله ستوری نن «دوشنبه، سلواغې ۳۰مه» کندهار کې د زړه حملې له امله مړ شوی دی.
ستوری د کندهار په ادبي ډګر کي ډېره فعاله او پېژندل شوې څېره وه چې د خپل ادبي فعالیت او خدمت په ترڅ کي يې ۲۱ ځله جایزې او ستاینلیکونه هم ترلاسه کړي وو.
د روزګان د لروپرتو سیمو یوشمېر اوسېدونکي وايي چی ځینې وختونه یادو سیمو ته د پولیو واکسیناتوران نهورځي چې له امله یې ماشومان د ګوزڼ یا پولیو پر وړاندې له واکسین پاتې کېږي.
دوی اندېښنه ښيي، که سیمو کې یې د پولیو یا ګوزڼ ضد واکسین کمپاین پلی نهشي، ماشومان به یې پر ګوزڼ ناروغي اخته شي.
د هلمند عامې روغتیا ریاست مسوولان وايي چې د دې ولایت موسیکلا ولسوالي کې د عامې روغتیا ریاست د روغتیایي قوانینو او څارنې ټیم له لوري د درې ورځو پرمهال د یادې ولسوالي د دولتي روغتون په ګډون ۶۸ روغتیايي مرکزونه تړل شوي دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
