د هېواد په بېلابېلو برخو کې د مرموزو وژنو په دوام، په وروستیو ورځو کې رسنیو داسې ډېر راپورونه خپاره کړي چې د جنايي جرمونو پېښې انعکاسوي او ناپېژنده وسلهوالو پهکې ملکیان او د تېر حکومت نظامیان موخه ګرځولي دي.
فاریاب کې د روغتیايي پروګرامونو د همغږۍ او د «کف» بنسټ د خوارځواکۍ برخې مسوولان سلاموطندار ته وايي، د تېرکال په پرتله سږکال دغه ولایت کې پر خوارځواکۍ د اخته ماشومانو کچه ۱۵سلنه لوړه شوې ده.
د لوګر د پوهنې ریاست چارواکي وایي چې په تېرو اتو میاشتو کې د یاد ولایت په مرکز پلعلم او یوشمېر ولسوالیو کې ۱۲۰۰ ښوونکي پر دندو ګومارل شوي دي.
سلاموطندار په ۲۲ ولایتونو کې له ۷۴ کونډو مېرمنو سره د مرکو له لارې موندلې چې ۵۵سلنه مېرمنو د جګړو او ۴۵ نور یې د طبیعي پېښو له امله خپل خاوندان له لاسه ورکړي دي.
خوست کې د یوشمېر ځوانانو له لوري د «رڼا ننداره» په نوم د کتابونو درې ورځنۍ نندارتون پرانېستل شوی چې درې ورځې به دوام وکړي.
دغه نندارتون د خوست مرکز اړوند «بابرکخان څلي» سیمه کې پرون چهارشنبه د زمري اتلسمه جوړ شوی دی.
د پکتیا یوشمېر بزګران وايي چې د تېرو کلونو په پرتله سږکال دغه ولایت کې د شولو کرکیلې ته د کروندګرو لېوالتیا ډېره شوې ده.
دوی سلاموطندار ته وویل چې سږکال اورښتونه زیات وو چې له کیله یې کروندګرو هم د شولو کرلو ته زړه ښه کړی دی.
بامیان کې یوشمېر څارويلرونکي وايي چې د دغه ولایت څارویو کې د «طبق یا FMD» په نوم یو ډول ناروغي خپره شوې چې له امله یې لسګونه څاروي لهمنځه تللي دي.
د جوزجان محلي مسوولان وايي چې دغه ولایت کې یو «جادوګر» په اته کاله بند محکوم شوی دی.
د امربالمعروف او نهې عنالمنکر وزارت ویاند محمدعاکف مهاجر پر خپله ټوېټرپاڼه لیکلي چې د جوزجان محکمې دغه ولایت کې یوه جادوګر ته د اته کاله بند سزا ورکړې ده.
د ملګرو ملتونو د بشري مرستو د همغږۍ دفتر (OCHA) اعلان کړی چې شاوخوا ۱۶۶۲۲۰ افغان ماشومان چې ۵۲ سلنه یې نجونې دي، د بودیجې کمښت له امله به له زده کړو بې برخې شي.
د ایکوادور ولسمشريزو ټاکنو ته نوماند فرناندو ویلاوېسېنسیو د دغه هېواد په پلازمېنه کويټو کې د يوه وسله والو برید پر مهال وژل شوی دی.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
