کابل کې د متشبثو او سوداګرو ښځو ملي غونډه او نندارتون جوړ شول

یوشمېر متشبثو او سوداګرو ښځو نن په کابل کې د خپلو ستونزو شریکولو او نندارې ته د تولیداتو اېښودلو په موخه «د متشبثو او سوداګرو ښځو ملي غونډه او نندارتون» دوه‌ورځنی پروګرام پیل شو.
دغو ښځو په یاد نندارتون کې په خپلو لاسونو جوړ کړي دستکولونه، غالۍ، ګلیمونه او نور لاسي صنایع نندارې ته ايښي دي.

د پاکستان د کراچۍ له یوه زندانه ۱۳۷ افغانان خوشې شوي

په اسلام‌اباد کې د افغانستان سفارت وايي چې د دغه هېواد د کراچۍ ښار له زندان څخه ۱۳۷ افغان کډوال خوشې شوې دي.

د افغانستان سفارت نن شنبه د کب ۱۳مه په یوې خبرپاڼه کې ویلي چې په تازه خوشې شویو ۱۳۷ کسانو کې ښځې او ماشومانې هم شاملې دي.

ا.ا نړیوالو سره پر تعامل او نړۍ بیا افغانستان کې د نړیوالو اصولو پر تامین ټینګار کوي

تېر یونیم کال کې اسلامي امارت په وار وار نړیوالې ټولنې څخه غوښتنه کړې چې اوسني حکومت سره په رسمي توګه تعامل وکړي، خو نړۍ د اسلامي امارت د سیاستونو او پر افغانانو په ځانګړې توګه پر ښځو د محدودیتونو لګولو له امله یادې غوښتنې ته مثبت ځواب نه دی ورکړی.

ایټالیا کې د افغانستان سفارت: د کښتۍ ډوبېدو پېښه کې ۳۲ افغانان مړه شوي

ایټالیا کې د افغانستان سفارت په یوې خبرپاڼه کې ویلي، د دغه هېواد سواحلو کې د کډوالو د ډوبې شوې کښتۍ د قربانیانو د هویت له تثبیت وروسته معلومه شوې چې دې پېښه کې ۳۲ افغانان هم مړه شوي دي.

د افغانستان د سفارت په خبرپاڼه کې راغلي چې کښتۍ کې شاوخوا ۱۸۰ کسان سپاره وو چې تراوسه یې د ۶۷ جسدونه پیدا شوي دي.

لغمان کې د پهلوانۍ ملي لوبډلې ته د لوبغاړو د غوراوي سیالۍ پیل شوې

د لغمان د ورزش امریت مسوولان وايي چې د دغه ولایت په مرکز مهترلام ښار کې د پهلوانۍ ملي لوبډلې د لوبغاړو د غوراوي سیالۍ پیل شوي دي.

د مسوولانو په وینا، دغه سیالۍ پرون جمعه د کب ۱۲مه د هېواد د لسو بېلابېلو ولایتونو د پهلوانانو ترمنځ پیل شوي چې پنځه ورځې به دوام وکړي.

هرات کې د داعش ډلې شپږ غړي وژل شوي

د هرات د امنیې قومنداني د رسنیو دفتر په یوې خبرپاڼه کې ویلي، دغه ولایت کې د داعش ډلې پر یوه پټن‌ځای د عملیاتو پر مهال د یوې ښځې په ګډون د یادې ډلې شپږ غړي وژل شوي دي. دغه عملیات بېګاه ۱۰بجې د هرات ښار د څوارلسمې ناحیې اړوند «رباط کابلي‌ها» سیمه کې رامنځته شوې ده. د عملیاتو پر مهال له یادو کسانو څخه درې میله کلاشینکوف، پنځه میله توپانچې، یو دوربین او ۱۵ موبایلونه هم ترلاسه شوي دي.