جوزجان مرکزی شبرغان شهری ده اوشبو مناسبت بیلن اوتکزیلگن مراسمده افغانستان بویلب مدرسهلر اویوشمهسی نینگ شمال زون رئیسی عبدالحفیظ قرشی نینگ ایتیشیچه، محلی مسجدلر نماز اوقیش و دینی تعلیم اوچون دیر، برچه اهالی مسجدلرنی قوریش و تعمیرلش خصوصیده سعی و حرکت قیلیشلری کیرهک.
افغانستان مدرسهلر اویوشمهسی نینگ شمال زون رئیسی، مسجد قوریش فضیلتی نی بیان قیلیش گه قوشیمچه، مسلمانلر نینگ حیاتیده دیندارلیک، تقوا و امانتدارلیک نی مهم عنوان قیلیب و اونینگ عمل گه آشیریلیشی خصوصیده تاکید قیلگن.
بیزلرنینگ فیسبوک صحیفهمیزگه باش اورینگ!
جوزجان حاکمی شعیب رسالت نینگ ایتیشیچه، مذکور مسجد ولایت مقامی اطرافیده بیر قوت (طبقه) و ستندرد شکلده توزهتیلگن و اوشبو مسجدده بیر پیتده ۲۰۰ نماز اوقووچی سیغهدی.
جوزجان حاکمی گه کوره، اوشبو مسجد نینگ قوریلیشی بیر میلیون افغانی خرجت کوتارگن که اوشبو هزینه ایچکی ایشلر وزیرلیگی تامانیدن توللنگن.
بیزلرنینگ توییترده هم تعقیب قیلینگ!
جوزجان ولایتی مقامی نینگ بشری منبعلر رئیسی مولویخیر محمد نینگ ایتیشیچه، اوشبو مسجدده نماز اوقیلیش یانیده، شونینگدیک تعلیم اخلاصمندلری گه دینی تعلیملر زمینهسی یرهتیلگن.
سونگی کونلرده جوزجان یشاوچیلری مسجد توزهتیش و مسجدلر گه یاردم بیریش اوچون سعی و حرکت قیلماقده ایکن که، بوندهی بیانات مطرح بولگن.
