قوش تیپه کانالی، مملکت نینگ اینگ بویوک کاناللریدن دیر که بلخ ولایتی کلدار تومنیده آمو دریادن باشلهنیب، حیرتان دشتلری، بلخ ولایتی دولتآباد تومنی و جوزجان ولایتی نینگ آقچه تومنیدن اوتیب و فاریاب ولایتی نینگ اندخوی تومنیده یکونلنهدی. اوشبو کانال ۲۸۵ کیلومتر اوزون ۱۰۰ متر یین و ۸۵ متر چقور دیر.
قوش تیپه ملی کانال پروژهسی، بوگون اسلامی امارت باش وزیری نینگ بیرینچی اورین باسری ملا عبدالغنی برادر، اسلامی امارت سوزلاوچیسی ذبیحالله مجاهد و اسلامی امارت بیرقطار سرپرست وزیرلری نینگ حضوری بیلن آچیلدی.
بیزلرنینگ فیسبوک صحیفهمیزگه باش اورینگ!
اسلامی امارت باش وزیری نینگ بیرینچی اورین باسری ملا عبدالغنی برادر، مذکور کانالنی آچیش مراسمیده، بو کانال افغانستان شمالیده اینگ بویوک کانال ایکنینی بیلدیرگن. اونگه کوره، قوش تیپه کانالی ایشی یکونلهنیشی بیلن، افغانستان غله لحاظدن اوزینی تأمینلهی آلیشی ممکن.
جناب برادر نینگ ایتیشیچه، مذکور کانال ایشی ۵ ییل گچه دوام تاپیشی ممکن و اوشبو بویوک کانال یانیده، باشقه کیچیک کاناللر ایکینچیلیک ییرلرنی سوغاریش مقصدیده قازیلیشی کوتیلهدی.
عینحالده، ایکینچیلیک، سوغاریش و چارواچیلیک وزیرلیگی نینگ سرپرستی عبدالرحمن راشد، مذکور کانال آچیلیشینی کتته یوتوق عنوان قیلیب، بو کانال قوریلیشی بیلن، دهقانلر گه شرایط یخشی بولیشی ممکن دیدی.
بیزلرنینگ توییترده هم تعقیب قیلینگ!
باشقه تاماندن اسلامی امارت نینگ صناعت و سوداگرلیک وزیرلیگی نینگ سرپرستی نورالدین عزیزی گه کوره، اوشبو پروژه ایشی بیتیشی بیلن، افغانستان بوغدای نقطهی نظردن اوزینی اوزی تأمینلهی آلهدی.
قوش تیپه کانالی، ملی ترقیات شرکتی تامانیدن توزه تیلهدی. بو کانال ۵۵۰ مینگ هکتار ییرنی سوغاریش گه قادر و بیر ثانیهده ۶۵۰ متر مکعب سوونی انتقال بیرهدی.