سرپل و جوزجان محلی مسئوللری نینگ ایتیشلریچه، هرات ده زلزله طفیلی زیان کورگنلر گه یاردم بیریش اوچون یولگه قوییلگن ۱۰ کون‌لیک کمپاین ده، توقیز میلیون ۲۷۰ مینگ افغانی ییققن‌لر.
سرپل ده مردمی یاردم‌لرنی ییغیش کمیته مسئوللری، هرات ده زلزله باعث زیان کورگنلر گه یاردم کورسه‌تیش اوچون اوشبو ولایت ده تورت میلیون ۷۰۰ مینگ افغانی ییغیلگنینی معلوم قیله‌دیلر.
بیزلرنینگ «ایکس» ترماغی ده هم تعقیب قیلینگ!
سرپل طبیعی آفت‌لرنی باشقریش ایشلری بوییچه باشلیغی سیدصفت‌الله صفوان نینگ ایتیشیچه، بو یاردم‌لر یشاوچیلر و محلی مسئوللر، مسجد امام‌لری تامانیدن ییغیلگن.
اولر، هرات ده زلزله باعث زیان کورگنلر گه یاردم ییغیش جریانی، کیله‌سی نیچه کونگچه دوام تاپیشینی معلوم قیله‌دیلر.
باشقه تاماندن، جوزجان مردمی یاردم‌لر نی ییغیش کمیته مسئوللری نینگ ایتیشلریچه، مذکور ولایت یشاوچیلری هرات ده زلزله باعث زیان کورگنلر اوچون تورت میلیون ۵۷۰ مینگ افغانی یاردم بیرگنلر.
بیزلرنینگ فیسبوک صحیفه‌میزگه باش اورینگ!
جوزجان معلومات و مدنیت باشلیغی سیف‌الدین معتصم، بو یاردم‌لر سونگی نیچه کون ده اوشبو کمیته تامانیدن ییغیلگنینی ایته‌دی.
اونگه کوره، مذکور یاردم‌لر جوزجان هیئتی تامانیدن، هرات محلی مسئوللری گه تاپشیریلگن.
