عیاللر نینگ حجاب نی رعایت قیلیشلری خصوصیده اسلامی امارت نینگ ینگی بویروغی، دولتی اداره‌لرده‌گی عیال ایشلاوچیلر نینگ قورقینچ و خواطرلری نی کوپه‌یتیرگن.
عیاللر حجابی خصوصیده‌گی اسلامی امارت نینگ ینگی بویروغی‌ده کیلیشیچه، دولتی اداره‌لرده‌گی عیال ایشلاوچیلر حجاب نی رعایت قیلمه‌گنلری صورت‌ده، ایشلریدن بوشه‌تیلیش‌لری ممکن.
عیال ایشلاوچیلردن قطاری نینگ ایتیش‌لریچه، حجاب‌لری نی درست شکلده رعایت قیلگنلری بیرحالده، بیراق اسلامی امارت کوچلری و امر بالمعروف و نهی عن‌المنکر وزیرلیگی ایشلاوچیلریدن قورقه‌دیلر. اولر نینگ تاکید قیلش‌لریچه، بونده‌ی چیکلاولر نینگ یره‌تیلیشی اولر نینگ ایش پروسه‌لریده قیین‌چیلیک یره‌تیب و روحیه‌لری اوستیگه سلبی تاثیر قویگن.
بیزلرنینگ فیسبوک صحیفه‌میزگه باش اورینگ!
دولتی اداره ایشلاوچیلریدن بیری دیبا فرامرز نینگ سلام‌وطندار گه ایتیشیچه: «بو بیزلر گه بیر قورقینچ‌لیک بولگن و هر زمان روحی و روانی جهت‌دن مینی آرام قویمه‌دی. بو حتی ایشیم خصوصیده هم سلبی تاثیر قویگن و اویدن تشقی‌ده درست بیر شکلده ایشلریم نی انجام بیره آلمه‌یمن.»
باشقه بیر تامان‌دن، قیز طلبه‌لردن قطاری نینگ ایتیش‌لریچه، حجاب نینگ اجباری بولیشی اولر گه سلبی تاثیر قویگن و اسلامی امارت نینگ مذکور بویروغی اولر گه کورستگن که، اسلامی امارت افغانستان‌ده عیاللر حقوقی رعایت بولیشی خصوصیده بیرگن سوزلری گه متعهد ایمس. اولر نینگ کوپه‌یتیریش‌لریچه، اسلامی امارت بو رقم بویروغ‌لر بیلن تشقی‌ده عیاللر نینگ فعالیت‌لری گه توسیق بولیش نی ایسته‌یدی.
بیزلرنینگ توییترده هم تعقیب قیلینگ!
طلبه‌لردن بیری مریم مرادی نینگ ایتیشیچه: «مذکور بویروغ درس‌دن چرچه‌ب و درس گه علاقه‌میز نینگ کمه‌یشی گه سبب بولگن. شونینگدیک عایله‌میز درس اوقیشیمیز گه رخصت بیرمه‌ی و درس اوقیمه‌ینگ دیه‌دیلر.»
ایتیلیشچه، اسلامی امارت نینگ قدرت گه ایریشگنیدن کیین، عیاللر نینگ سیاست‌دن حذف قیلینیشی، ۶-صنف‌دن قیزلر اوقوچوولر نینگ مکتب گه رخصت بیریلمه‌یشی، دولتی اداره‌لرده عیاللر ایشلری خصوصیده یره‌تیلگن چیکلاولر و حاضر هم حجاب نی اجباری بولگنی خصوصیده‌گی چیکلاولر عیاللر گه تحمیل بولگن.
