افغانستان ژورنالیست‌لر فدراسیونی و میدیالر نینگ خبری ییغینی اسلامی امارت تامانیدن لغو ایتیلگنی‌گه قرشی عکس‌العمل‌لردن کیین، کابل‌ده اسلامی امارت سوزلاوچیسی ذبیح‌الله مجاهد بو توغریده تفصیلات بیرگن.
او بوگون اوز توییتر صحیفه‌سیده بازیشیچه، ایککی فدراسیون نینگ بیر وقت‌ده فعالیت قیلیشی مناسب ایمس.
اسلامی امارت سوزلاوچیسی نینگ ایتشیچه، کابل‌ده اوتمیش‌دن بیر فعال فدراسیون موجود و اونگه کوپینچه فعال میدیالرنینگ عضویتی بار.
مجاهد جنابلری نینگ یازیشیچه، ایکینچی فدراسیون نی اعلان قیلیب، نیچه ییل آلدین فعالیت‌دن قالیب و مسئوللری مملکت‌دن قاچیب کیتگن میدیالرگه عضویت بیریش‌نی مناسب بیر اَدیم دیب بیلمه‌یدی.
اونینگ تاکید قیلیشیچه، بو ایش میدیالر آره‌سیده ناسالم رقابت‌گه سبب بولیشی ممکن.
اسلامی امارت سوزلاوچیسی نینگ کوپه‌یتیریشیچه، فعالیت‌دن قالگن مدیالر باشقه فعال مدیالر کبی فعالیت قیلیش‌نی ایسته‌گن صورتده، جوازلرینی تمدید قیلیب و اوتمیش‌دن قالگن مالیات‌لرینی توله‌ب و مدیالر قانونی نینگ چارچوبه‌سی اساسی‌ده سالم فعالیت قیلیش‌لری کیره‌ک.
عین‌حالده، اوتگن کون چهارشنبه دلو آیی نینگ ۶ کونی ژورنالیست‌لر فدراسیونی تشبثی بیلن کابل‌ده افغانستان خبرچی‌لری و مدیالر وضعیت‌گه اساس خبری ییغین اوتکزیلیشی کوتیلگن ایدی.
بیزلرنینگ فیسبوک صحیفه‌میزگه باش اورینگ!
بیراق اوشبو فدراسیون اعضالریگه کوره، اولرگه بو خبری ییغین اوتکزیلیشی گه رخصت بیریلمه‌گن و اسلامی امارت رسمی‌لری بو ییغینی نی لغو قیلگن‌لر.
شونینگدیک بو ییغین نینگ لغو ایتیلیشی کوپینچه عکس‌العمل‌لرگه سبب بولدی.
بیرلشگن ملت‌لرتشکیلات نینگ اورین باسرلیک دفتری یاده یوناما، میدیالر خبری ییغین نینگ اسلامی امارت تامانیدن لغو ایتیلیشینی سوز ایرکین‌لیگی‌گه چیکلاو یره‌تیش دیگن.
اوشبو نهاد اسلامی امارت دن فرقلی فکری بار دیب اویله‌گن کیشی‌لرنی محدود قیلیش اوچون تلاش قیلمه‌مسلیک‌لرینی سوره‌گن.
عین‌حالده خلق‌ارا کیچیریم تشکیلاتی هم اسلامی امارت نینگ بو ایشی نی ایرکین مدیالر و خبرچی‌لر گه آچیق هجوم قیلیش دیگن.
بیزلرنینگ توییترده هم تعقیب قیلینگ!
بونهاد تاکید قیلگن که افغانستان‌ده مدیا ایشلاوچی‌لری و خبرچی‌لر ایرکین ایش قیلیسین‌لر و او لردن محافظت قیلینیشی کیره‌ک.
سوز ایرکین‌لیک اویی هم بیر اعلامیه ترقتیب، افغانستان ژورنالیست‌لر فدراسیون نهادلری نینگ خبری ییغینی اسلامی امارت تامانیدن لغو ایتیلیشینی سوز ایرکین‌لیک حریمی‌گه آشکارا تجاوز عنوان قیلیب، اسلامی امارت دن سوز ایرکین‌لیگی‌نی بوندن آرتیق ایاق آستی قیلمس‌لیک‌لرینی سوره‌گن.
سوز ایرکین‌لیک اویی نینگ کوپیتیرتیشیچه، اسلامی امارت نینگ بو عملی، اسلامی امارت مقام‌لری نینگ اخرگی اوسلو ییغینی‌گه بیرگن وعده‌لریگه قرشی دیر.
